SCRIPT
Family A- upper class
Sonakshi - Female Protagonist
Uday pratap singh- Sonakshi’s Dad
Ragini - Step mother
Tulika- Step mothers child
Daadi
Family B- Lower class
Vedant - Male protagonist
Jagdish - Vedant’s Father
Rajveer- Vedant’s friend
Ram Gopal - Rajveer’s Dad
Nandan- Rajveer Uncle
SYNOPSIS
This story is about a deep bond shared by a father and daughter
from upper class family but things get triggered when she starts
taking dance lessons from uncle who once betrayed her father and
falls in love with his son belonging to lower class. This leads to
the end of their love story in a sad and tragic way.
SCENE-1
(The girl’s dancing)
Ved - (comes in clapping) Sunna hai rajupto ki ladkiyaan naachti
bohot acha hai aaj dekh bhi liya.
Sona - tum chhotti jaat vale log neeche gir sakte ho ye sunna toh
tha hi lekin aaj dekh bhi liya.
Ved -(holds her wrist) log toh kehte hai ki rajputo ki ladkiyaan
bolti bohot ulta hai (puts her hair behind her ear) par aaj maine
sunn bhi liya.
Sona- chalo ulta hi sahi, kam se kam hamare yaha ki ladkiyon ko
bolne ki ijaazat toh hai.
Ved- Ijaazat aur usolo se chale toh sonakshi ji sitaaro se saji
iss raat me humse baat karne ki azaadi de di aapko baba ne?
Sona- janaab azaadi ki baat toh aap na hi kare aur haa agar aapko
hamari azaadi ki itni hi chinta hai toh aap baba se hi baat kar
lijiye.
(acts to call her dad- tries to fake shout)
(Ved grabs her hand and pulls her closer and keeps his hand on her
mouth to shut her up
gently)
Ved- Oye Sona, pagal ho gayi hai kya? Jab dekho gusse me rehti
hai. Subah se dekh raha hu apni hi ye haseen si soorat suja ke
baithi ho.
(girl looks down, ved grabs her chin and lifts her face up)
Ved- oye sona, bata na kuch zyada bol diya kya maine?
Sona-(interrupts in between) Tumhe toh pata hi hai ki jabse vo iss
ghar me aayi hai tabse kya ho raha hai. Har jagah ek naya khel
soojta hai usko, bas sirf apne baare me hi sochti hai aur aaj…
(step mother shouts from behind)
Ragini- Sonakshi, din kaafi nhi tha kya tumhari kala ke liye ki ab
raat ko bhi pradarshan karna hai.
Sona- chalo ab der ho rhi hai, mujhe jaana hai.
Ved- acha acha 2 min ruko na!
Sona- arrey kya haii ?
Ved- Aye ladki ye dekh kuch laya hoo tere liye, dekh ise.
Sona- Kya hai ye?
Ved- Jhoomar competition
Sona- ye toh vahi competition nhi hai jisme baba…
(Lights off)
SCENE-2
( Tulika dancing and her father is teaching her about
it)(classical terms)
Uday- Tulika kitni baar kahe, ye aise nhi aisa hoga. Tulika bhed
ki chaal aur tumhari taal me koi antar bhi toh dikhna chaiye.
Ragini- (peeking from the wings, comes to say something else but
changes here) Arrey suno Tulika ke papa, ye kai log…
(uday keeps scolding tulika)
Ragini- hum jab dekhte hai aap bas Tulika ko hi daante rehte hai,
thora narmahat se peshaya kariye, aapki jeb se ek rupiya nhi
kharch hoga agar aap apni choti beti se do shabd muskurakar keh
denge toh.
Uday- Ragini muskurane ka koi karan bhi toh hona chaiye ek mahina
hone ko aya hai, aur aapki ye laadli beti abhi tak ye nhi seekh
payi hai (classical reference).
Ragini- acha ye sab toh hota rahega, vo log aaye hai aapse zameen
ke silsile me baat karne.
(Sonakshi enters laughing and giggling with 2-3 men)
Sona- aap aaye hai bagiya me, phool khile hai gulshan
gulshan.(from the wings)
Rajveer- sona yaar, please yaar, mat kar yaar
Sona- aisa lag raha hai aap laga ke aayi hai badiya uptan.
Ek baat batao tum yaha apne pyaar ka izhar kar rahe ho ya apni
murkhta ka pradarshan.
(Rajveer tries to snatch it)
Rajveer- haa haa ab tumhari hi toh pyaar ki kahani ab heer ranjha
ki kahani ke baad sunayi jayegi.
(Uday stares at them.)
Uday- Arrey hume bhi toh batao ki kiski kahani ab mashoor hone
wali hai!
Sona- papa aapne kabhi prem patr likha hai?(pause..) koi nhi aaj
rajveer hume sikhayenge ki ek prem patr kaise likha jata hai. Kyu
rajveer?
Rajveer- prem patr hum likna sikha denge or pyaar karna aapki
beti(mummering)
Uday- apne me kya badbadye jaa rahe ho hume bhi batao zara kya
chal raha hai ye sab.
Rajveer- badal chand ko chupa sakta hai aakash ko nhi, hum sabko
bhula sakte hai par aapko nhi.
Uday- bewakoof kaisi baatein karne lage ho???
(Ram gopal and nandan enters 🙂 )
Rajveer- (excitedly jumps on his father) baba aa gaye, baba aa
gaye.
Ram gopal - na nayak ho na khalnayak ho, beta tum toh ek number ke
nalayak ho.
Nandan- pota poti god me dene ki umar me khud hi baap ki god me
uchle huye ho. Neeche utro.
Uday- jaha nazar gire, waha kamakal mile.
(sona elbows uday and says baba)
Uday- aaiye aaiye, aaj aapne hume kaise yaad kiya, bataiye kya
khatirdari ki jaye aapki. Rajveer jaake neeche se kursiya leke
aao.
Nandan- nhi nhi kursiyo ki koi zaroorat nhi hai, nyota dene aaye
hai abhi doosre gharo me bhi jaana hai.
Uday- arrey rishta pakka ho gaya kya?
Nandan- ji Uday ji aapki aashirwaad aur shubkamnaye ke saath beti
ka rishta pakka ho gaya.
(hugs and wishes among them, brings invite and mithai ka daaba)
Uday- (while eating ladoos) toh fir kis biradari me hamari laaddo
ka rishta hua hai?
Nandan- shudr me. Ghar parivaar acha hai, suna hai Bhopal me abhi
unki 2 nayi factoriya khuli hai.
Ram gopal- nandan ki beti ki shaadi ha, agli aapki hi beti ki baari
hai.
Rajveer- inki na hogi na shaadi na sagayi, inki toh hogi chatt se
bhagayi.
Sona- ram chacha ka ladka bada awara hai, puri zindagi rahega ye
kuwara hai.
Uday- agar chalta raha ye silsila nikal jayenge meri aakhon se
aasu khatam kar lo ye drama varna ho jaunga mai beqaboo.
( everyone stares at uday, 3 sec silence, then everyone laughs )
Nandan- chaliye uday ji hum aapse vida lete hai aur fir aapse
shaadi par milte hai.
Uday- ji ji kuch khatardari karni hogi toh hume zaroor batayega.
Rajveer- khaatardari nhi aap rishtedari par dhyaan dijiye.
(mummers)
Uday- fir badabadane lag gaye tum!
Rajveer- nnnhiiii, baba baba hum bhi aaye…
(Rajveer, Nandan and Gopal exit)
Ragini- chal aa laado, tere liye khaana bana deti hu. Aap bhi aa
jaiye.
(Begins to go down)
Sona- baba 2 min rukiye hume aapse kuch baat karni hai.
Uday- haa bolo?
Sona- hume acha nhi laga aaj aapne jis tarh se nandan chacha se
baat kari. Arrey bhala ab bhi koi jaat vaat puchta hai kisi ki.
Aap jeevan me itna aage nikal chuke hai aur fir bhi ye rurivadi
soch?
Jab ladka aur ladki ko ek samaan maante ho chaar logo ke aage lad
bhi jaate ho ki meri betiyan meri shaan hai pehchan hai toh jaat
jaise mudde par aap unhi 4 logo ki tarah kaise ban jate hai jo
aapko neecha dikhate hai.
(silence)
Ragini- wah re sonakshi maiya wahhhh. Zubaan bhi paayi hai toh
kechi jaise jab chale toh samaj na aaye ki kiske saamne kya bolna
hai aur kab rukna hai.
Uday- sonakshi kuch baatein abhi tumhare samaj ke bahar hai. Kayi
logo ko apni baradari jitna samjha nhi jaa sakta ye log ek thaali
ke baingan hai jisme khaate hai usi me ched kar jaate hai. Ab inhe
hi dekh lo jis jagdish(surname) se tum nritya seekhne jaati ho vo
kis mitti ka bana hai hum bohot ache se jaante hai. Vohi ye sab
pattiyan padha raha hai na. Ye shabd kiske hai aur kaha se aa rahe
hai ye bhi hum jaante hai.
Sona- baba agar aap hamare pita hai toh vo bhi hamare chote kaka
samaan hai. Aapke muh se acha nhi lagta unke liye ye sab.
Ragini- acha toh ab baba ki zubaan se badkar ab uss do kaudi ke
nachaniye ki tarafdari karogi humse.
Sona- do kaudi ka toh kon hai toh mujhe 2 min nhi lagenge batane
me ki jise 2 pal nhi lage ek mari huyi aurat ki jagah cheene me.
Uday - SONAKSHIIIIII…
Bolne ka adhikaar hai iska matlab ye nhi ki kuch bhi…
Ragini- (starts crying while going downstairs) kuch bhi kuch bhi
nhi maante is ghar me mujhe, kya kuch nhi kiya maine iss ghar ke
liye…
Uday- raagini arrey Ragini hamari baat suno vo abhi bachi hai…
(exits)
Tulika- jiji aaj tak humne aapko kuch nhi bola ye samjke ki shyad
maa ki hi koi galti hogi lekin aaj toh AAPNE BHI saari hade par
kar di. Ab aap humse bhi koi baat mat kariyega.
(exits)
Sona- (standing there and staring at the right wing. Silence for 5
secs).
(Ved enters humming a song and keeps his arm on her shoulder)
Ved- aur janemaan aaj mausam kitna haseen hai aur tum
Sona- tum tum hato yaha se. Awaare
(exits)
Ved- (confused) arrey arrey sona what happened 😣
toh mai keh raha
tha ki tum toh nikal gayi par i was saying par matlab mausam hai
haseen hum bhi hai haseen, jis din tum karo humse pyaar se baat ye
raat bhi ho haseen… arrey yaar rajveer yaar tum kya bataye the
yaar tum. RAJVEER jaldi aao
Rajveer- kya ho gaya bey, kyu gala fad rahe ho?
Ved- bhai tum kya bataye ho hume? Ye kya haseen haseen lagwaya hua
hai?
Rajveer- ek dum sahi batake bheje the hum tume tumne hi kuch kharab
kiya hoga. Ek baari hume batake sunao.
Ved- mausam hai haseen, hum bhi hai haseen jis din tum karo pyaar
se baat ye raat bhi hai haseen.
Rajveer- yaar aise nhi tha thora feel se bolo yaar,(saying it with
feel now) mausam hai haseen hum bhi hai haseen jis din tum karo
pyaar se baat ye raat ho jayegi rangeeeeeennn.
Jagdish- rangeen??? Rangeen toh tum dono ke gaal karenge hum.
Rajveer abhi bhi tumhara udeshya ram leela me kekayi banne ka hi
hai kya? Chila chila ke pure shehar me humgama macha rakha hai.
Rajveer- arrey jagdish kaka idhar aaiye. Aapko aaj ki taza khabar
dete hai. Aapko pata hai aaj aapke padoseeyon ke ghar mai kya hua?
Jagdish- Humme kaise pta hoga yeh toh apke nikame dost ko pta hoga
na, saari khabhar yahi rakhte hai
(Ved blushes)
Ved- Kya aap bhi (shy)
Rajveer- Tum bus yeh sab karte reh jaoge aur tumhari heer kisi bade
ghar mai byahdi jayegi
Jagdish- Mtlb?
Rajveer- Arey uncle kya hi btayein apko voh uday kaka ne aaj nandan
chacha se unke damaad ki jaat puch li
Ved- Itne aage badhne ka kya fyada jab yahi soch rakhni hai toh,
khudne konse jhande gad liye badi jaat hoke, logo se batamizi ke
pechana……..
Jagdish- Ved yeh sikhaya hai tumhe?
Mana voh jo keh rahe hai unki baat thk nhi par aise badon se baat
karte hai kya?
Ved- Nhi, par papa bade bhi toh aise baat nhi krte na
Jagdish- Hota toh bhut kuch nhi hai beta, jeevan ek paheli hai,
mehnat karo toh qismat ka khel, qismat pe chalo toh taqdeer khud
likho, taqdeer khud likho toh 4 log kya kahenge, aur 4 logo ki na
suno toh 4 kadam peeche ke lelo.
Silence and disappointed
Sunhere sapne dekhne mai toh bhut ache lagte hai par Haqeeqat mai
hote nhi, meri mano toh voh ladki na toh tumhari tarah nalayak hai
aur na uska baap Shareef, dosti tak thk hai par jis din cheezin
aagein baadi aur uday pratap singh ko pata chala bhut kuch badal
jayega.
Ved- Badlega yeh samaajh, humare pyaar ke liye, aur papa aap bhi
dekhenge aur humare hone wale sasur ji bhi
Jagdish- Mujhe koi dikat nhi hai, mai tere beech mai nhi aane wala
par kisi aur ki guarantee mai nhi de sakta beta.
Rajveer- Gurantee toh aajkal uncle kisi baat ki nhi le sakte, sahi
baat hai uncle aap jaise teacher na maine zindagi mai nhi dekha by
God se, jhandewale ma ki kasam
Jagdish- beta kaash mai yeh tere liye bhi bol skta
Rajveer- Yeh sab chodo uncle chalo mai chalta hun, nandan chacha ki
madad bhi toh karani hai
Ved- Hn chalo
Rajveer- Tum kahan aa rahe ho bae?
Tumhare ghar toh card bhi nhi aaya
Ved- Abhi toh humare sasur ji ne ladu khaya meethe ka, ab voh aaye
ya hum ek hi bat hai
Rajveer- booddbuckkk
Chalilye uncle namaste
(Rajveer and Ved exits)
Jagdish-(quiet for a few secs, then talks to himself) ek baap hai
jo dosti bhi nhi nibha paya aur doosra beta hai ki… (daadi
inturrpts)
Daadi- kisne kaha ki tu dosti nhi nibha paya?
Jagdish- aap aap aise mauko par hi kaise mujse milne aa jati hai?
Daadi- mujhe pata hai mere konse bete ko meri zaroorat hai.
Jagdish- kya aapko lagta hai jo ho raha hai vo sahi ho raha hai?
Daadi- sahi toh kuch saal pehle bhi nhi hua tha.
Jagdish- maa puraane zakhmo ko khuredne se khudi ka khoon behta
hai.
Daadi- sahi hai jagu, aaj tak tu ye samaj nhi paya ki kisi ghav
par marham rakhne se pehle, uska ujadna zaroori hota hai.(even to
renovate a house you need to first break it and then form new.)
Jagdish- kya aapka beta taiyaar hoga ise todne ke liye?
Daadi- kya tu taiyaar hai puraane zakhmo ka saamna karne ke liye
aur apni sachayi ko saabit karne ke liye?
Jagdish- kispe ilzaam lagau maa? Uss bhai pe jisse maine khud se
badkar maana ya iss qismat pe jo kabhi meri ho na paayi ya is
zaalim duniya par jisne mujhe har mod pe meri aukaat dihakyi aur
ved ved ko kya bolu ki kya hua hai mere saath itne saalo se, kya
jhela uske baap ne kya bolu use aur kitne saal andhere me rakhu ya
fir apni tarah hi use jhootha dilaasa deta rahu ki kabhi teri jaat
teri kalah se upar nhi aayegi,kabhi tere pyaar ke beech nhi aayegi
aur dosti, dosti ke upar toh kabhi kabhi nhi aayegi(fake laugh)
Daadi- kismat ki ek bohut khoobsurat aadat hai ki vo waaqt aane
par badalti hai aur tera ladka apni qismat khud likhega. Isme tu,
mai, uday ya fir uski sona, koi kuch nhi kar sakta hai.
Jagdish- (he sits down and puts his head on maa’s lap) kaash maa
aap jo bol rhi ho vo sach ho jaye.
(maa rubs his head with her hands)
Scene-3
Sonakshi- ved ved ved kitna time lagate ho (plays with her outfit)
(background music)
Sona- baraati dulhan ko dekhne aa rahe hai tumhe nhi. (she mumbles
something and turns around)
(bgm changes-love)
Ved- baba dono dawa time se le lena, hum chatt par jaa rahe hai
iska matlab ye nhi aap dawa lene bhool jao.
(he comes facing backwards and then both of them turn around at
the same time and ved gets excited seeing sona)
Sona- (sona walks towards ved and flicks his forehead) rakh di
baba ki dawa ved?
Ved- haa
Sona- paani bhi rakh diya saath me ved ?
Ved- haaa
Sona- kya mai sundar lag rhi hu ved?
Ved- haaaa
Sona- kya tumhare hosh ud gaye ved?
Ved- haaaaa
Sona- kya tum mujhe pasand karte ho ved?
Ved- haa, ha ha hanji huh kya keh rhi ho kya?
(sona laughs cutely)
Ved- arrey nhi mera dhyaan toh dawai ki baba,kya keh raha hu
matlab baba ki dawai par tha, tumhe toh maine dekha hi nhi.
Sona- Acha itni der se tukar tukar karke kisse dekh rahe the phr?
Sach btao na, in do palon ke liye tumhari saase thum gayi na?
Ved- hum toh ye dekh rahe the ki tum abhi tak taiyaar kyu nhi
huyi? (turns around) jaldi kar yaar sona taiyaar hoke aa, baraat
aane wali hai.
Sona- ved mai tiayaar hooooooke aayi hu. (very sad)
Ved- oh kamaal hai yaar, pata hi nhi lag raha Ek kaam karo aur.
Sona- (gets sad and makes an innocent sad face) ved kya mai sach
me achi nhi lag rhi??
Ved- (turns around takes a few sec to understand what has he said)
(Sona about to leave. Ved holds her wrist)
Ved- tum itni khoobsurat ho ki aaine bhi chup rehte hai, tumhe
dekh kar alfaaz bhi apni hadd bhool jaate hai. Tumhari khoobsurti
ko kisi tasdeeq ki zaroorat nhi, tum khud hi poora jawaab ho, har
sawaal ka.
(ved takes out flower from his pocket and ties it on her hair)
Sona- acha! toh jab ye gulaab mere liye laaye hi the toh mujhe
itna sataya kyu?
Ved- arrey vo mai tum mai… (baraat sound bgm) arrey baraat aa gayi
dekho dekho.
Sona- (gets disappointed ,moves towards the baraat) (fun banter
and making fun of the baraatees)dekho ye kitna sundar lag raha hai
sab kuch, ye sajawat, ye nachte huye baraat, aur ghodi pe sawar ye
sundar sa dhulha.
Ved- dhule se yaad aya, sona tumhare baba ke nazar me koi ladka
hai, nhi toh mai jaanta hu ek zimeedaar nojawaan ko.
Sona- acha kon batao?
Ved- (speaks to himself) lo kar lo baat bagal me chora aur shehar
me dhindhora.
Sona- kya kya matlab tumhara?
Ved- arrey hum pooch rahe hai ki tumhe kaisa ladka chaiye ?
Sona- sabse pehle ladka dikhne me acha hona chaiye aur dance bhi
karna aana hi chaiye, thora nakhrila hona chaiye aur koi aisa jo
mujhe, mujhe baat baat pe hasaya kare lekin agar mai rooth jau toh
mujhe pyaar se rijhane bhi aye, tohfo me meri manpasand ke phool
bhi laaye, meri tareef karta rahe, koi aisa jo mujhe har baat pe
chidaya na kare, jo mere baba se dara na kare aur koi aisa jo apne
dil ki baat apne zuba pe laa paye aur bina dare chaar logo ke aage
apni beintaha mohabbat ka mujse izhaar kar sake. Ab ved tum hi
batao bhala ye koi badi baat hai kya? Ab batao tumhari nazar me jo
ladka tha, kya vo hai aisa?
Ved- sona ye yeeee… ye kuch zyada thori hai( sarcastically) ye jo
tumne soochi ki kitaab bhar di hai isse dhoondna koi mushkil baat
thori hai.. Bas namumkin hai.
Sona- (pushes him) nikamme, nalayak, ruk tujhe toh mai batati hu!
(they run around the charpaai)
Sona- kya keh rahe the namumkin hai?
Ved- arrey nhi nhi meri maano, toh mai keh raha tha bilkul milega,
lekin- tumhare khwabo me.
Sona- aaj toh tum zinda nhi bachoge mere haatho.
Ved- zinda toh vo bhi nhi reh payega agar tum uske peeche bhi aise
hi bhagti rahogi.
(ved comes on centre of the stage, takes deep breath)dekh sona
baaki saari baaton ka mujhe nhi pata, magar itne bharose se mai
keh sakta hu ki vo ladka kabhi tujhe tere baba ya char logo ke
saamne apnane se kabhi inkaar nhi karega. Aur jaha tak baat hai
izhaar ki aur agar tu use mauka de toh aaj hi kya balki abhi tera
haath pakad ke( grabs her hand)tere baba ke saamne tujhe apna bana
le.
(Ragini enters looking for Tulika and screams her name)
Ragini- tulikaaaaa, chatt se hi baraat dekhogi ya neeche bhi
aaogi(gets interrupted as she catches ved and sona)
(ved and sona get distant and start feeling scared and awkward)
Ragini- arrey mori maiyaaaaaaa, ye kya dekh liya maine, satyanaash
ho gaya iss ghar ka. Arrey o sonakshi apni nhi toh apne gharwalo
ki izzat toh rakh leti ye kaam karne se pehle. Ohhh tulika ke papa
upar aao, aur dekho aapki ladli kaise gulchare uda rahi hai aadhi
raat me.
Sona- aap kaisi baatein kar rhi ho, aisa thori kuch hai.
Ved- hume toh bas sona se kuch kaam tha.
(uday enters)
Uday- arrey ab kya ho gaya, iss ghar ke kalesh toh khatam hi nhi
hote.
Ragini- kalesh toh ab honge, jab pure gav me hamarai badnaami
hogi, log thukenge humpe. Yahi din dekhne reh gaye the ki aadhi
raat me hum hamari ghar ki ladkiyon ko aise logo ke saath
aayishaiya karte huye pakedenge. Hey prabhuuuuuuu (starts crying)
ye kya ho gaya?
Uday- kaisi baatein kar rhi ho Ragini, chup ho jao. Sonakshi, ye
kya bol rhi hai tumhari maa, aur ye do kaudi ka ladka kya kar raha
hai tumhare saath?
sona- baba vo hum hum toh bas baraat dekh rahe the.
Ved- hum toh bas competition ki baat kar rahe the.
Ragini- arrey jhooth bol rahe hai ye dono, rang raliya bana rahe
the, humne khud in dono ko range haatho pakda hai, kaise ek doosre
ki baaho me jakad ke khade huye the. Tulika ke papa hum toh kahi
ke nhi rahe ab, agar ispe toh lalchan lagenge hi, hamari tulika
bhi badnaam hogi.
Uday- (goes and grabs his collar) iss ladke ki itni aukaat hamari
beti ke saath zabardasti kar raha tha, tum neechi jaat ke log hote
hi ghatiya ho, aaj tumhe apne haatho se hi maar denge. (about to
slap ved)
Sona- (grabs her baba’s hand) BABA peeche hatiye. Ved ne hamare
saath koi zabardasti nhi kari hai balki humne hi ise chatt pe
bulaya tha.
Ragini- dekh rahe ho, ye sunne se pehle hum mar kyu nhi gaye.
(still crying)
Sona- chup, ekdum chup, baat ka batangad kaise banana hai toh koi
aapse seekhe.
Uday- apni maa pe ungli uthane ki koi zaroorat nhi hai, iss ghar
ki auratein parivaar ki izzat hai, aur tumne toh aaj uss izzat ko
mitti me mila diya, (his voice breaks) tumne toh humse hamara
guroor hi cheen liya.
Sona- (starts crying) baba aap kaisi baatein kar rahe hai, hamari
puri baat toh suniye. Hum hum ved ko bachpan se chachte hai, aapko
toh pata hi hai. Ved ne hamesha hamari madad ki hai, hamesha hume
samjha hai aur hume pyaar se rakha hai.
Uday- hamari peeth peeche cheezein pyaar tak bad gayi aur hum
bewakoof the jo aaj tak tumpe bharosa karte the ki tum iski baaton
me kabhi nhi aaogi aur hamari samaj me laaj rakhogi. Arrey ye aur
iska baap toh chanhenge hi ki uday pratap singh ki beti ko behla
fusla ke iske saath bhi vaisi hi chaal chale jaisi mere saath
chali thi.
Ved- aapko hamare barre me jo kehna hai keh dijiye, hamara baba ke
naam apni iss jhoothi zubaan se lene ki zaroorat nhi hai. Asli
Sachaiye kya hai ye aap bhi jaante hai aur mai bhi.
Ragini- jaisa khet vaisi fasal. Bolega toh apne baap ki zubaan hi.
Ved- aur aap kiski zubaan bolti hai ragini ji, apne pati ke paiso
ki ya uske peeche lage huye naam ki.
Uday- badi badi baatein karne se insaan ki aukaat nhi bad jaati
hai. Jo fasal baap ne boyi thi aaj usi ka fal dikh raha hai.
Tumhare baap ke diye huye sanskaar aur parvarish dikh rahe hai
aaj.
Sona- baba aap baat baat pe jagdish kaka ke charitr pe ungli kyu
uthate ho, hume nhi pata aap dono ke beech jo kuch bhi hua ho,
magar uski saza hume ya ved ko kyu bhugatni pad rhi hai.
Jagdish- Bol uday, jawab de issey, kyon sassa deta hai tu bachon
ko, humare beech mai jo bhi hua uska khamiyaza bache kyo bhukte
Uday- Bhuktega tera pura parivar, tu jaise aadmi ne pehle mujhe
nicha girana chaha ab tera yeh do kaudi la ladka meri beti ko
bhagayega?
Jagdish- 2 kaudi ke kaam ki baat par mai aagya idhar toh abhi jitni
bachi kuchi izaat tune banayi hai voh bachegi nhi
Uday- Abey OHH (comes and grabs jagdish’s collar)
Jagdish- Aa gaya na apni par
Uday- saaleee!!! (Moves to beat him)
(Everyone stops them - panicked)
Ved- Uncle hatiye……………
(Ved comes and tries to push him back and saves his father,
jagdish says him to leave them)
Sona- Baba (shouts)
Uday- Sonakshi, chup! Neeche jao, aur awaaz nhi sunayi deni chihye
tumhari, aaj tumne dikha diya ki tumhari karuna maa ki aur kitni
jaroorat thi aaj, uske sanskaron ki kami pad gayi tabhi aaj yeh
sab dekhna pad raha hai
Ved- Uncle, aap yeh sab sona ko nhi bol sakte
Uday- Hits him a tight slap
Everyone in shock
Jagdish- Uday, apni aukaat mai rahiye,
Beta tu thk hai? Ja tu sonakshi ke sath neeche ja aur usse sambhal
Uday- Khabardar agar yeh meri beti ke pass gaya toh
Jagdish- Ja beta mai bhi dekta hun tujhe aaj kaun rokega, kya hai
uday jo tere mere bich tha uski sasa tu ved ko kyon de raha hai,
seedhe muh mujhse kyo nhi baat kar raha
Uday- Kya baat karun tujh jaise dogle se?
Jagdish- Waaah, aaj mai dogla ban gaya, bhul gaya voh din, kya le
aayun teri sachayi teri dusri patni ke samne
Uday- Ab tu jyada bol raha hau jagdishhhh, ragini tum neeche jao
Ragini- par, yeh kya bol rahe hai
Uday- maine kaha neeche jao!
Jagdish- Cheelane se ya hukum dene se koi samrat nhi ban jata,
vaise samrat se yaad aaya, seedha seedha toh tum zindagi mai vaise
bhi kuch karte ho hi nhi, har jagah tumhe apni tricks ki madat jo
chihye hoti hai
Uday- Kya bolra hai tu
Jagdish- Kyon bhul gaya voh din, jis din tujhe teri asliyat pata
chal gayi thi, jis din se tune mujhe galat bana diya tha, jis din
tune sabko mere khilaf karke apne aap ko samrat man liya tha
Tareekh 16 September, 1985
Flashback,
Jagdish: (Practicing his steps)(Karuna calls)
Karuna bus 5 min aur hum pahunch hi gaye
Karuna: Jagdish ab yahan aane ka koi fayda nhi hai, tum Jahan ho
bus vahan ruko, hum vahin aa rahe hai
Jagdish: tum kya Bol Rahi ho, Mai bus 5 minute Mai pahunch Gaya
Karuna: Jagdish Meri baat samjho, tum Abhi apni chhat par ho na?
Mai aa Rahi Hun bus vahin ruko
(Jagdish walks on the stage, irritated, worried has mixed
feelings, mummers and is confused)
Karuna: Jagdish mujhe tumse kuch baat karni hai
Jagdish: mujhe bhi par pehle hum perform karne chal padein?
Karuna: Nhi pehle Meri baat suno
Jagdish: Baat hi karni hai toh pehle Meri baat suno, hum hum
hum…………
Karuna: Humme maaf kardo jagdish par Abhi hum Jo tumhe btane wale
hai voh tumhe hila skta hai
Jagdish: kya
Karuna: Vada karo yeh baat tum kabhi Kisi ke samne nhi bologe
Jagdish: Magar btao toh
Karuna: pehle vada karo!!!
Jagdish: Hum humare pyaar ki kasam khate hai hum kisi ko nhi
bolenge
Karuna: Uday ne Uday ne tumhari choreography perform karli, kyoki
tum tab Tak aye hi nhi, ussey laga ki tum shyd ab aaoge nhi, aur
usney voh sabke samne perform kar liya
Jagdish: Kya Bol Rahi ho, voh mere bhai jaisa hai, ussey pta hai ki
humare liye voh kitna keemti tha
Karuna: Jagdish Maine hi ussey bola ki voh yeh Karle kyoki tum toh
ab nhi aaoge, tum Jante ho na ki voh apni choreography Mai kabhi
Jeet nhi pata, par voh kitna chahta hai yeh competition jeetna
Jagdish: Tum kya bole ja Rahi ho Karuna, kya tumhein pta nhi ki yeh
mere liye kitna Mayene Lgta tha
Karuna: mujhe maaf kardo par kisi ko mat bolna ki voh tumhari
choreography thi, pleaseeee
(Holds his hand)
Uday: (enters with trophy) Jagu dekh tere bhai ne kya jeetaaaa!!!
Sees both of them standing there
Abey jagu apni hone wali bhabhi ke sath humari chugli kar rahe ho?
Jagdish: (Holds back his tears)
Hone wali bhabhi?
Uday: Rishtha pakka ho Gaya hai humara, kaha tha na humane ki
trophy aur ladki dono hum le jayenge
Jagdish: trophy Dikha!! (Stares trophy and silence)
Waah mehnat Kare koi aur, aur le jaye koi aur
Uday: Kya bolre ho?
Karuna: kuch nahi, Uday tum chalo yahan se ab
Uday: Par hua kya? Bol na Jagdish
Jagdish: Puch na Meri hone wali bhabhi se
Karuna: Jagdish tum ab had se aage badh rahe ho, Uday yeh Jagdish
na kabhi apna tha hi nhi, dogla hai yeh ek number ka, yeh log na
tameez ke layak hi nhi hote
Jagdish: Karuna Sachi ab tum yeh karogi, chalo Sahi hai pyaar aur
dosti Mai kurbani deni padhe bhi toh koi Badi baat thodi hai.
Uday: Bol na Jaggi kya ho kya Gaya?
Karuna: Kuch nhi Uday bus yeh mujhe pyaar Karta hai aur Maine mana
kar Diya Isley aise ho raha hai
Uday: Par tujhe toh Maine btaya tha na ki mera ristha hone wala
hai
(Awkward silence)
Sahi bolte the baba tum tum choti Jaat wale humesha geerey huge
kaam hi karte ho
Hattttt. Thuuuuuuuu
Uday and Karuna exits
Jagdish: gets mad, laughs and laughs and takes ghoomar
Flashback ends.
(Ved and sona watching from the right wing)
Sona- (enters clapping loudly) wah baba wah… kaash aaj bhi mai
aapki utni hi izzat kar paati jitni mai abhi tak apne dil me lekar
baithi thi.
Uday- (fumbles)sona sona tu kya kar rhi hai yaha pe?
Sona- baba, baba mai hairaan hu ki aap abhi bhi mujse ye sawaal
puch rahe hai, balki aap jawaab do mujhe kaise jee lete ho iss
jhooth ke saath. Kya itne saalo se, kya aapko ek baar bhi nhi laga
ki apni beti ko sach bata dena chaiye.
Uday- (sobbing) sona mera aisa koi iraada nhi tha, mai maine kabhi
nhi chaha tha ki cheeze itni aage bad jaye.
Sona- iraada, kis iraade ki baat kar rahe hai aap? Vo iraada jisse
aapne kisi ki taqdeer cheen li ya vo iraada jisse aapne kisi ko
neecha dikhaya uski jaati ke karan ya vo irada jisse aaj bhi aap
kisi ka pyaar cheena cha rahe hai. (screams now) bataiye na, khadi
hu mai idhar, bataiye na kya irada tha aapka?
Uday- Beta, tu mujhe galat samaj rhi hai… (sona interrupts)
Sona- Galat toh mai thi hi aur mere saath saath ye log bhi galat
the jo aapko aaj tak jhoomar samraat samaj ke baithe huye the
jabki uss padd ka asli hakdar jo shuru se jagdish kaka rahe hai.
Uday- (moves towards sona and tries to justify and console sona)
Sona- peeche hatiye aap, apne asli roop me aaiye, aaj toh dikha hi
dijiye ki jis uday pratap singh ko mai apna bhagwan maanti thi,
uske kuch aise ropp bhi hai jisse dekh kar mujhe use pita maan ne
bhi sharam aa jaye.
Jagdish- sonakshi, tum gusse me aakar kuch aisa mat bol do ki kal
jo jaake tumhe pachtava ho. Edit
Sona- pachtava toh mujhe har uss pal ka hai jo maine aapke aangan
me nhi bataye ye sochke ki mere baba ko bura lagega. Arrey
pachtava toh mujhe is pyaar jo mai ved ka kabhi lauta nhi paayi,
bachpan se leke aaj tak bas apne mann ko yahi samjhati aayi hu ki
mai kuch aisa na karu jisse mere baba ko lage ki maine unki agya
ka paalan nhi kiya, bhale mujhe apne pyaar ko hi tyaagna pade.
Jagdish- beta, jo beet gaya use bhool jaa, ateet ki baaton par
pachtava karke khud hi ko chot pochti hai.
Uday- tune hi meri beti ke dimaag me itne saalo se mere liye zehar
bhara hai. Tu toh khush hoga jagdish aaj ki meri beti, mera apna
khoon aaj mere khilaaf teri tarafdaari kar rhi hai.
Ved- uday kaka aapki isi choti soch aur chalaakiyon ka nateeja hai
ki aaj humein majbooran ye tamasha dekhna pad raha hai. Is
barbaadi ke zimmedar aur koi nhi, bas aap hi hai.
Uday- tumhari toh shuruat se hi chaal dhaal hi bata rhe the ki
tumhare kya iraade hai, aaj meri beti ki aage 4 achi baatein karke
meri jagah lena chahte ho taaki apne baap ka badla pura kar pao.
Sona- ye badle ka junoon sirf aapke sar pe sawaar hai, baba aap
kab khologe apni aakehin aur samjhoge ki har koi badle ki talaash
me nhi hota.
Uday: Sonakshi bhulon mat ki aaj tum agar yahan khadi ho toh kiski
badolat, aur bhulon mat ki agar tumhe aaj bolne ki aazadi toh sirf
humari badolat
Sona: Aur aap bhi mat bhooliye ki agar aaj aap yahan khade toh
sirf inki badolat
Uday: Bus bus bus chup ho jao, kahin hum apna hosh na kho
baithe(Tries to slap her)
Ved: Khabardar agar aaj apne humari sona ko hath bhi lagaya toh
Uday: Ab tu btayega mujhe???
Ved: Sona tum chalo humare sath, uss ghar mai ab tumhara koi bacha
nhi hai
Sona: ved hum(steps towards him)
Uday: Agar tu aaj uske sath gayi toh tera baap yahin khade khade
apni jaan de dega
Sona: baba? Yeh aap kya bol rahe hai
Ved: Sona yeh sab inke drame hai, tum chalo
Uday: Sona mai tumhe bta raha hoon, agar tum aaj yeh anagan chod
ke gayi, toh apne mare huye baap ki shakal dekhogi
Ved: Sona tum chalo
Uday: Sonakshi
Sona: (breakdown) Chup ho jaiyeee aap dono, thak gayi hun maiiii
Ved mujhe kuch samay do
(Sona exits)
Ved: Mai tumhara intezaaar karunga Sonakshi
Jagdish: Chalo vedant ab neeche chalo inse bahas karne ka fayda
nhi
(Ved exits)
Uday: hatttt.
Jagdish: Uday mai tumhein abhi bhi keh raha hoon, ki waqt hai bache
kuch aisa na kar jayein ki hum sabko pachtava ho
(Jagdish exits)
Uday: (silence) (red light)
Pachtava? Pachtava toh mujhe har uss pal ka hai, jisme mujhe pta
tha ki mai galat kar raha hun par mera lalach itna haavi ho gaya,
ki mai sahi/galat ya chal/kapat mai anatar hi nhi kar paya (pause)
Kaun hun mai? Aur kya kamaya hai maine?
Mujhe pehle din se pata tha ki mai jagdish ka samna kabhi nhi kar
payunga, ya meri kala, meri kala kabhi uski kala se upar nhi samjh
jayegi, ya mera charitr kabhi uske charitr jitna shudh nhi ho
payega. Sach bolun toh mujhe sab pta tha, sab ahsas tha mujhe,
shyd mai bus geera hua insaan banke reh gaya jisse pta tha ki voh
khandani jaat se badhkar aur kuch nhi ban payega, Isley hi toh
maine samaj mai yeh muda uthana shuru kiya, taki mujhpai koi ungli
na uthayi ja sake, aur mai logo ki nazoron mai humesha yeh samrat
hi kehlayunga.
(Nirash hokar)
Par kya mai aaj meri beti ke samne mera kuch ashtithva raha?
Silence
Ragini: TULIKAAAAAA KE PAPAPPAAA!!!!!
SUNIYEE, (SOBBING)
Tulika: jiji, sona jiji, (crying)
Ragini: arey apki beti ko dekhiye
Tulika: jijii yeh apne kya kar liya??
Uday: stands up and shouts kya ho gaya
Ragini: arey mori maiyan isne toh apni jaan leli
Uday: runs downstairs
(Sad background music)
Everyone crying in the background
-Lights off-
(Voiceover)
-Lights on-
(Dead body on the stage, everyone sitting near it)
(Every character except ved on the stage)
(Everyone is sobbing and sad)
Ved enters from left wing, is drunk, falls down on the ground
Rajveer: Bhai tu kya kar raha hai, tujhe pta hai na kon pada hai
zameen pai udhar?
Ved: laughs
Rajveer: Paggal ho kya hai tu???
Ved: laughs
Uday: beta ved (crying)
Ved: laughs again, waaah sasur ji waah laughs beta
Kya din hai aaj, aaj toh hum beta ban gaye voh bhi Uday Pratap
Singh ke, jhoomar ke samrat
Jagdish enters
Ved: arey waah papa bhi aa gay, chaliye ab shuru krte hai
competition, chaliye samrat ji ab aap dekhiye hum, hum shuru krte
hai
Jagdish: beta, beta sambhall apne aap ko
Ved: sambhaal, sambhall lunga mai, arey gana bajao, meri sona mere
sath bhagne wali hai abhi.
(Mera piya ghar aaya oh raam ji, mera piya ghar aaya)
Takes ghoomar rounds, takes rounds and rounds,
Screams
Ved- dekh sona maine kar dikhaya aaj, maine yeh step bhi kar
dikhaya, chal aaja ab dono sath mai karte hai,khadi hoja sona, aa
na sona, arey aana, tere bina kaise hoga yeh, aanaaa
(Voice over: tu mujhse shaadi karegi na, hatt Paggal tujhse aur
shadi, mai toh mar jayungi par tujhse toh nhi krungi)
Ved: cries and cries.
-Lights off-
THE END.
TASTE YAHAN HAIII!!