Script

Scene 1: Doctor’s Cabin]

i. Ravi (coughing drama style): Doctor saab, mujhe bukhaar ho

gaya hai…

ii. Dr. Painlele: Haan haan, baith jao Raaj…

iii. Ravi (confused): Raaj? Mera naam Ravi hai, doctor saab.

iv. Dr. Painlele: Haan haan, wahi… Raju!

v. Ravi: Arre Raju bhi nahi, Ravi!

vi. Dr. Painlele (serious tone): Haan Ravi, Ravi… jo bhi ho.
Tumhe bukhaar hai. Yeh lo prescription.

vii. Ravi (looking at slip): Yeh aapne dawa likhi hai ya kisi bank
ka password?

viii. Dr. Painlele: Shhh… pharmacist ke paas jao. Sirf woh hi meri
writing samajhti hai.
[Scene 2: Pharmacy Counter]

 Ravi (handing slip): Madam ji, doctor toh mera naam hi yaad
nahi rakhte. Kabhi Raaj, kabhi Raju, kabhi Ravi!

 Dr. Pranlele (laughing): Arre koi baat nahi. Main tumhe sahi
dawa aur sahi naam dono dungi. Ravi ji, yeh hai tumhari
medicines.

 Ravi: Batao toh sahi kya hai?

 Dr. Pranlele: Yeh bukhaar ki goli hai, yeh antibiotic, aur yeh
khansi ki dawa.

 Ravi (excited): Mujhe toh laga likha hai “Paneer Tikka, din
mein do baar!”

 Dr. Pranlele (grinning): Paneer se bukhaar kam nahi hoga Ravi

ji. Suno:

Bukhaar ki goli khane ke baad lo.

· Antibiotic pura course complete karo.

· Syrup chammach se lena, bottle se nahi.

 Ravi (seriously): Main toh soch raha tha do din kha ke baaki
antibiotic apni bakri ko de doon.
  Dr. Pranlele (shocked): Kyaaa?! Yeh dawa hai Ravi, bakri ka
khana nahi! Isi liye bolte hain: “Thinking Health, Think
Pharmacist!”

[Scene 3: Community Awareness]

 Xyz (funny tone): Asha ji, log toh kehte hain pharmacist
sirf bolte hain “Cash ya Paytm?”

 Dr. Pranlele (witty): Nahi! Hum bolte hain: “Cash, Paytm… aur
apni dawa time pe lena!”
Pharmacist sirf dawa nahi dete:

· Hum check karte hain dawa sahi hai ya nahi,

· Batate hain kab aur kaise leni hai,

· Aur Ravi jaise logon ko samjhate hain ki dawa bakri ko nahi deni!

 Ravi (proudly): Lekin meri bakri kabhi khansi nahi karti!

Scene 1: Doctor’s Cabin

i. Narrator: Milte hain humare hero Ravi se. Bechara TB se

pareshaan hai, par doctor usse aur bhi pareshaan karne wale
hain.

ii. Ravi (entry with loud coughing): Doctor saab! Main toh
gaya! Mujhe khansi, bukhaar, thakaan, sab kuch ho raha hai.
Lagta hai koi badi bimaari hai.

iii. Dr. Painlele (checking file): Haan… baith jao Raaj.

iv. Ravi (confused): Doctor saab, mera naam Ravi hai!

v. Dr. Painlele: Haan haan… wahi toh, Raju!

vi. Ravi (irritated): Arre nahi, Ravi!

vii. Dr. Painlele (calmly): Haan Ravi… chalo Rahul, tests karte
hain.
viii. Ravi: (facepalm) 😫 Arre main Rahul bhi nahi!

ix. Compounder (audience ko): Doctor saab ka memory card

format ho gaya hai lagta hai. Pichle hafte toh unhone apna ATM
pin bhi patient file mein likh diya tha.

x. Dr. Painlele: Chup kar! (Ravi ko) Tumhe TB hai. Ilaaj lamba
chalega, kam se kam 6–8 mahine tak dawai khani hogi.

xi. Ravi (shocked): Kyaaa?! Matlab Netflix ke 10 season bhi itne

lambi nahi hote.

 Dr. Painlele (serious): TB ka ilaaj regular dawai se hi hoga.

Agar ek bhi dose miss ki, toh problem badh jaayegi.

 Ravi (funny-crying): Matlab main morning, afternoon,

evening… din bhar goliyaan hi khata rahoon? Main insaan hoon
ya “walking chemist shop”?

xii. Dr. Painlele: Tum bahut bolte ho Rahul.

xiii. Ravi (angrily): DOCTOR SAAB! Ravi! Ravi!

xiv. Dr. Painlele (casually): Haan wahi wahi… Ravi ho ya Rahul,

bimaari toh same hai. Ab pharmacist ke paas jao.

Scene 2: Outside Doctor’s Cabin

 i. Ravi (frustrated): Yeh doctor mera bukhaar kam kare na kare,
par mera naam zaroor badal dega.

ii. Xyz (dramatic entry): Ravi bhai! Kya hua? Doctor ne kya
bola?

iii. Ravi: Bola mujhe TB hai. Aur mera naam kabhi Raaj, kabhi Raju,
kabhi Rahul bana diya!

iv. Xyz (filmy pose): TB? Arey purane filmo mein heroines ko bhi
TB hota tha. Aur woh gaane gaake thik ho jaati thi. Tu bhi ga le –
“Khansi bhi kabhi thi, bukhaar bhi kabhi tha…”

v. Ravi (facepalm): Xyz ji, aap doctor se bhi zyada dangerous ho.
Agar aap doctor hoti…

Scene 3: Pharmacy Counter

Ravi (sad tone): Madam ji, mujhe TB hai. Doctor mujhe Rahul, Raaj,
Raju sab bana dete hain. Ab main hi confuse ho gaya hoon main kaun
hoon.

Dr. Pranlele (console karte hue): Arey Ravi ji, naam se zyada zaroori
hai health. TB ka ilaaj lamba hai, par agar aap regular dawai loge toh
puri tarah theek ho jaoge.

Ravi (worried): Par itni sari goliyaan… main toh roz bhool jaunga.
Dr. Pranlele (smiling): Isliye pharmacist hai na. Hum aapko sahi tarike
se samjhate hain.

· Subah ki goli, khali pet.

· Raat ki goli, khana khake.

· Aur cough syrup chhoti chammach se, bottle se nahi.

Ravi (dramatic): Matlab ab main subah goli, dopahar goli, shaam goli,
raat goli… lagta hai meri shaadi bhi goli ke saath hi fix hogi.

Compounder (taang kheenchte hue): Ravi bhai, bakri ko bhi dawai

khila dena. Doctor shayad uska naam toh sahi lega.

Ravi (funny-angry): Oye! Bakri ka naam Gudiya hai. Usko TB nahi hai!

Dr. Pranlele (laughs): Ravi ji, aap tension mat lijiye. Doctor bhale hi
aapka naam bhool jaaye, main aapki dawai kabhi nahi bhoolne dungi.

Scene 4: Awareness + Community

Xyz (audience se): Suno suno! TB se darna nahi hai. TB ka ilaaj

possible hai, par goli time pe lena bahut zaroori hai.

Dr. Pranlele: Bilkul. Pharmacist patient ko motivate karta hai aur unko
guide karta hai taaki dawai ka ek bhi dose miss na ho.
Ravi (interrupts): Haan, warna doctor bolega: “Congratulations Rahul,
ab tum advanced TB patient ho!”

Xyz (filmy): Matlab asli hero toh pharmacist hi hai.

Scene 5: Final Comedy + Message

Dr. Painlele (aata hai): Bahut achha, Ramesh! Tumne dawai le li?

Ravi (furious): DOCTOR SAAB! Ab Ramesh bhi?! Main Ravi hoon!

Compounder (audience se): Bas doctor saab ka favourite game hai –

“Guess the Patient’s Name.”

Dr. Pranlele (console karte hue): Ravi ji, chhodo. Doctor naam bhool
sakte hain, par aapki dawa kabhi nahi bhoolenge.

The end