Kya America ne Trump ko dobara apna
leader chun ke, apni galti ko dohraya
hai?
Donald Trump jo 2017 se 2021 tak United States of America ke President reh chuke hain.
Apne picchle tenure mein Trump ek influential ke sath hi ek controversial figure ki tarah bhi
ubhare.
2025 mein Trump Kamala Harris ko hara kar ek baar fir America ke rashtrapati ke roop mein
elect huye hain.
(Introduction of the presenter)
Aaj ke iss video mein hum analyse karenge Donald Trump ka picchle 29 dinon ka tenure aur
dhoondhenge jawab uss sawal ka jo iss vaqt poori duniya utha rahi hai, “Kya America ne
Donald Trump ko re-elect karke apni galti ko dohraya hai?”
1. Executive Order on Federal Workforce Reduction
America ka rashtrapati banne ke 4 din baad hi, yaniki 24 January 2025 ko hua Friday Night
Purge! Donald Trump ne 24 January ki raat ko 17 inspectors general ko unke pad se hata
diya
aur ye ailaan kiya ki government employees ki tadaad zaroorat se zyada hone ke karan
government ke kaam mein delay dekhne ko milta hai. Iss problem ko solve karne ke liye
unhone ek Executive order sign kiya jiske tehet federal workforce ko kam karneki demand ki.
Trump ne “1 in 4 out” ka rule lagu karne ki ghoshna ki hai. Yaniki har 4 purane government
employees ko naukri se nikalne par ek naye employee ko recruit kiya jayega. U.S.A mein iss
vaqt 2.4 billion
federal employees hain (excluding the active-duty military and Postal Service workers),
jinpar fiscal year 2022 mein sarkar ne $300 billion compensation ke roop mein kharch kiye.
Trump ke iss decision par bohot hi polar reactions aaye hain. Jahan ek taraf Trump ke
suppoters ka kehna hai ki sarkar ke iss kadam se na sirf kafi paisa bachaya ja sakta hai,
balki
sarkari kaam bhi tezi se aur behtar tareeke se hoga. Vahin doosri taraf labor unions, and
public interest groups, NFFE ke President Randy Erwin ne isey civil services ko hatane ki ek
bohot hi sochi samjhi sazish bata kar iska virodh kiya hai. Legal experts, Democrats,
aur state attorneys ke dwara Trump ke iss decision ko U.S. democracy par ek hamle ke
roop mein bhi dekha jaraha hai.
Ab yadi hum Trump ke iss faisle ko ek unbiased tareeke se samjhein to iske pros aur
cons dono hain. Federal workforce kam karne se US government samay aur paisa dono
bacha sakti hai jo ki kisi bhi nation ke liye do bohot important tools hain.
Lekin vahin doosri taraf apne hi citizens se unki job security chheen lena na sirf Trump ki ek
leader ke roop mein chhavi ke liye kharab hai, balki democracy ke bhi khatarnak hai. Agar
Trump ke picchle term ko bhi dhyaan se dekha jaye to unhone kayi baar government ke
size ko (members ke numbers ko) chhota karne ki baat kahi hai, jisse naye rules lagu
karna ya purane rules ko kharij karne jaise kaam jaldi aur asaan tareeke se ho sakein.
2. DOGE accessing sensitive financial systems
February 2025 mein Donald Trump ne Elon Musk ko authorise ki gayi Department of
Government Efficiency (DOGE) ko US treasury department ke sensitive financial
systems ko access karne ka adhikar diya. Trump ka manna tha ki Musk ki madad se vo
cost cutting plans banana chahte hain jisse ki lagbhag sarkar ke $1 trillion bachaye ja
sakte hain. Trump ka bayaan aate hi US mein halchal mach gayi aur February 17, 2025
ko U.S. ke ek District court ki judge Tanya Chutkan ko ek emergency hearing rakhni
padi jise file kiya tha 13 Democratic state attorneys general ne. Inki maang thi ki DOGE
ko itni sensitive information ka access milne se iska misuse hone ka khatra badh jata
hai, jiske karan ye access block kiya jaye.
U.S. District Judge Paul A. Engelmayer ne bhi ek order issue kiya jiske tehet unhone
DOGE ka kisi bhi treasury document ke liye access restrict kiya aur jo documents
DOGE already access kar chuke hain ussey destroy karne ke adesh diye.
Donald Trump ke iss decision ki ninda kayi logon ne ki hai jisme legal experts, privacy
advocates, aur Democratic state attorneys general bhi shamil hain. Kuch samay pehle
Elon Musk ne ye khulasa kiya tha ki picchle Treasury officials aise payments bhi pass
kardete the jinka kisi fraud entity ke sath sambandh tha, jisse sarkar ko kafi ghata hota
tha.
Trump ke iss ailaan ne ek behes chhed di hai Privacy aur Efficiency ke beech. Kya
sarkari efficiency ke naam par citizens ki private details leak kardena jayaz hoga?
3. Settlement with Social Media Platform X
2021 mein January 6 ko huye Capitol riot ke chalte X ne Trump ka X account suspend
kar diya tha. Isspar Trump ka kehna tha ki iss tarah ke tactics se conservative
viewpoints ko dabaya jaraha hai. Trump ne iske chalte X par aur baki meta platforms
par ek lawsuit file kar diya. Ab hairani ki baat ye hai 2021 ke baad se halaat badlein
hain aur Trump aur Elon Musk ke rishte mazboot huye hain. Elon Musk ne na sirf Trump ke
election campaign mein badh chadh ke bhaag liya, balki usey sponsor bhi kiya. Iss
sabke bavjood baat aa pahunchi hai ‘Settlement’ par.
February 2025 mein Elon Musk ne Trump ko $10 million dekar ye lawsuit ko settle
karne ke liye hami bhari. Sath hi baki meta brands bhi Trump ko $25 million dekar iss
lawsuit ko settle karne ke liye hami bhar chuke hain.
Iss incident par Trump ke Proponents yaneki supporters ka kehna hai ki X ne 2021 mein
jo galat faisla liya tha ab ve isey sudhar rahe hain, jisme koi burai nahi hai. Vahin kafi
logon ka ye bhi manna hai ki Iss tarah Trump ke power mein aate hi X ka apni policies
mein ferbadal karke unhe vapas apne platform par lana, sahi sanket nahi deta, aur toh
aur unke dab jane ka prateek hai.
4. Acceptance of Russia's Stance on NATO Expansion
Russia-Ukraine war ke baare hum sabhi jante hi hain. Hume samajhne hai NATO ko.
NATO ka matlab hai North Atlantic Treaty Organization. Shuruaat mein isme sirf 12
countries thi. Lekin ab NATO ne faisla liya hai ki vo 30 members ka organisation banana
chahte hain jiske tehet vo European countries ko bhi isme hissa lene denge. Ye baat
Russia ko raas nahi aayi aur Russia ko ek insecurity hui ki Soviet influence se bahar
nikal kar kaise kuch European countries NATO ka hissa ban sakti hain, jisse European
aur world power dynamics mein badlav aajayega.
President Trump ne picchle kuch samay mein kisi na kisi tarah se NATO ko criticise kiya
hai aur Russia ki taraf inclined apne opinions jataye hain. Haal hi main, mamla tab
chinta ka vishay bana jab Trump ne Russia-Ukraine war ko shant karane ki baat rakhi.
Aur iss meeting mein Ukraine ko bulana zara bhi zaroori nahi samjha. Pooche jane par
Trump ka kehna tha ki aane vale meetings mein jahan zaroorat hogi vahan Ukraine ko
invite kiya jayega.
Isey aap aise samajh sakte hain ki apki family mein do logon ka vivad hua. Unke beech
mamla suljhane aap gaye par aapne sirf ek party se baat krna zaroori samjha, doosri
party ko bulaya hi nahi.
Trump ke iss action par na sirf European Allies balki Former U.S. Officials ne bhi chinta
jatayi hai. Halanki Kremlin ne Trump ke iss nirnaye ki sarahna ki hai.
5. Demand for Revocation of Transgender Athlete's Awards
February 2025 mein President Trump ne sign kiya Executive Order 14201 jiska title tha
"Keeping Men Out of Women's Sports". Iss order ke tehet koi bhi transgender female
kisi bhi female sports category mein hissa nahi le sakti. Trump ne sabhi federal funded
schools aur institutes ko sakhta nirdesh diye ki Women's Sports mein sirf cis gender
women yaniki ki aisi mahilayein jo janm se mahila hain, hi bhag le sakti hain.
National Collegiate Athletic Association (NCAA) aur National Federation of State High
School Associations (NFHS) ne aagey chalke ye ailaan kiya ki picchle samay mein
transgender mahilaon ko diye awards, rewards, titles, aur records revoke kiye jayein,
yaniki unse vapas le liye jayein. Kuch logon ne isey cis gender mahilaon ke liye sahi
mana hai, to kayi logon ne isey transgender mahilaon ke khilaf bhedbhav ke roop mein
dekha hai.
Ab samajhne ki baat ye hai transgender mahilayein janm se purush hoti hain, mahila
nahin. Ek purush ke shareer mein ek mahila ke mukable, zyada numbers mein aur
zyada lambe muscle fibres hote hain, jisse unka muscle mass mahilaon se zyada hota
hai aur vo physically zyada strong hote hain. Iss difference ka karan hai testosterone jo
purushon ke shareer mein paya jata hai.
Ek purush se mahila banne ke liye ek vyakti ko GAHT yaniki gender-affirming hormone
therapy karvani padti hai. Iss therapy ke tehet unme estrogens aur anti androgens ko
inject kiya jata hai. Jisse ki trans women ki shareer aur muscles mein badlaav aatey
hain, aur unki grip strength 4% tak kam hojati hain shuruati ek saal mein. Lekin ye 4% ki
giravat ke baad bhi ek Cisgender mahila ke mukable unke shareer mein 17% zyada grip
strength hoti hai, jo unhe cis gender women ke mukable physically zyada strong banati
hai.
Toh kya cis gender women aur transgender women ko ek hi category mein rakhkar
compete karvana sahi faisla hai? Ya ye cis gender females ke sath nainsaafi hai?
Conclusion:
Toh doston, ye kuch primary decisions hain jo US President Donald Trump ne picchle
29 dinon mein liye hain. Jaisaki humne dekha, ki in sabhi faislon ki prashansa aur ninda
dono hui hai. Jo har rajneta ke sath hona lazmi hai. Jb bhi koi policy banayi ya hatai jati
hai toh uske kuch samarthak hote hain aur kuch nindak. Vo policy aur vo rajneta kitna
sahi aur kitna galat tha ye samay aur parinam se pata chalta hai.
Par agar baat ki jaye ek rajneta ki chhavi ki, to vo banti hai media se aur uske taur
tareekon se. Trump ka apne oval office aur pramukh events se Associated Press (AP)
ko ban kardena unki chhavi ke liye khatarnak hai. Unka authoritarian behaviour kayi
baar ek dictatorship ki aur jati niti ka hissa lagne lagte hain.