Synod Information & Publicity Department, Synod Office (Third Floor), Mission Veng, Aizawl
Synfocity =
mail us at : mzsynfo@[Link]; mizoramsynod@[Link] - Phone - 2314648
495
10
th
July, 2014
1 Wales-ah rawngbawlna nei
July 7, 2014 khan Mizoram Synod Choir chuan zaia rawngbawlna nei turin Wales an thleng a, Presbyterian Church
of Wales-in an lo mikhual. PC Wales General Assembly, Aberystwyth-a neih mekah Synod Moderator Rev. K.
Lalhmuchhuaka chu sawm a nih angin nimin (July 9, 2014) khan a tel a. Inkhawmpui chibai bukna thu a sawi a,
Synod Choir hian zaia rawngbawlna an nei. Zan lamah Bala (Pi Teii/Gwen Rees Roberts te khua)-ah kalin Mizo
Missionary-te nen hun an hmang ho bawk.
An cham chhung hian Llansannan, Rev. Anuerin Owen (KTP dintu Rev. Owen @ Pu Awna fapa Zolawma Bial enkawl)
leh Cardiff-ah te zaia rawngbawlna hun an hmang ang a, Llangollen International Musical Eisteddfod-ah zaiin London-
a UK Mizote nen pawh hun an hmang ho dawn bawk a ni. Synod Moderator Rev. K. Lalhmuchhuaka leh Synod Choir
te hi July 16, 2014-ah UK chhuahsanin July 19, 2014-ah Aizawla lo thleng leh tura beisei an ni.
1 Synod Bookroom Reduction Sale
Synod Bookroom chuan July 7, 2014 atang khan July 12, 2014 (Inrinni) thlengin Reduction Sale a nei leh ta. Ram
puma Synod Bookroom Branch zawng zawngah Reduction Sale hi neih a ni a, hemi chhung hian Synod Bookroom
item zawng zawng chu 5%-80% discount-in lei theih a ni.
Reduction Sale hi Mizoram pumah July 7, 2014 zing dar 9 atang khan neih tan a ni a. Aizawl khawpui chhung bakah
Bookroom Branch 12 leh Distribution Centre 22 awmna zawng zawng- Lawngtlai, Lunglei, Champhai, Kolasib leh
Serchhip-ah te hemi hun chhung hian lehkhabu tha, stationery items leh Kohhran bungraw pawimawh hrang hrangte
chu man tlawm zawka lei theih a ni.
Tun tum Reduction Sale-ah hian thil man tihtlawm zingah tlawm zual bik tak te pawh a awm a, Mizo Kristian Hla
Thar Bu Rs.100, Rs.90 leh Rs.80 man te ni thin kha Rs.30 lekin a lei theih dawn a. Hla hruaitu hman chi Kristian Hla
Bu Lian Rs.400 man ni thin chu Rs.200-in a lei theih bawk ang.
Kum dang ang lo takin kumin hian Bible man tlawma lei tur a tam tawk a. Kum danga la awm ngai lo Bible lehlin hlui
ziak hraw Family Bible a awm thar bawk.
1 Aluminium mistiri training pe
Synod Social Front chuan Freddy Enterprise nena tang dunin Freddy Enterprise Building, Leitan-ah Aluminium
mistiri training a buatsaih mek a. He training hi a thawh hnihna niin residential a ni a, thla khat leh a chanve course
a ni. Ruahman dan ang chuan July 25, 2014 (Zirtawpni) zanah training hi khar tum a ni.
Training hi June 9, 2014 atanga tan kha a ni a, mi 20-in training hi an nei a ni. July 9, 2014 (Nilaini) khan trainee-te
hian an thil zir chu a taka ti tanin frame te an fit tan a. Training an neih chhung hian Chief Minister Pu Lal Thanhawla
leh PWD Building Division-a hotuten thawh tur an ngaihtuahsak thin avanga an lawm thu Upa H. Lalhmingmawia,
Coordinator, Synod Social Front chuan a sawi.
Coordinator chuan hetianga training buatsaih a nih chhan sawifiahin tunlai hunah in sakna hmanrua atan thing kan
kalsan tial tial a, hmanraw changkang leh tlo zawk, mawi leh nalh zawk bawk si aluminium hmanrua kan chin tan
tak avangin leh a khawih thiam an la tlem bawk si avangin eizawnna atana hmang duhte tan eizawnna kawng tha tak
a nih theih beiseina Synod-in a neih avanga buatsaih an nih thu a sawi.
1 Zin
w July 9 - 12, 2014 chhung hian Synod Transit Accomodation (STA) Renovation buaipui turin Imphal, Manipur-ah
Rev. Lalramliana Pachuau, Executive Secretary a kal.
w July 11 - 13, 2014 chhung hian Zamuang Bialin Kohhran Upa leh Tual Upa Seminar an nei dawn a, thupuiah
Kohhran inrelbawlna leh inkaihhruaina tih an hmang ang. Seminar hmanpui tur hian Rev. Lalzuithanga, Senior
Executive Secretary a kal ang a, Rev. K. Lalpiangthara, SL&PB Editor-in a tawiawm ang. July 12, 2014 (Inrinni)
chawhnuah Rev. Lalzuithanga paper buatsaih Kohhran ziak loh dan tih thupui zirho a ni ang.
w July 12 & 13, 2014 hian Kanghmun, Khawrihnim leh Lunphun Kohhranah Sum vawn dan training & Finance
Campaign neih a ni dawn a, hemi neihpui tur hian Upa H. Zoliana, Synod Secretary; Upa C. Sangkhuma, Pu C.
Lalramthara leh Tv. Zaihmingthanga Fanai, Accountant te an kal ang.
1 MSSU
w July 11 - 13, 2014 hian Champhai Vengsang Bialin Champhai Ramthar Kohhranah Sunday School Zirtirtu
Training neih a ni dawn a, hemi neihpui tur hian [Link] Lalthahluna Ralte, MSSU Asst. Coordinator leh Upa Hrilthansanga,
Mission Vengthlang (MSSU Trainer) te an kal ang.
w July 11 - 13, 2014 hian Khawzawl Vengthar Bialin Khawzawl Vengthar Kohhranah Sunday School Zirtirtu Train-
ing neih a ni dawn a, hemi neihpui tur hian Upa K. Zoremsanga, Kulikawn leh Upa F. Zakhuma, Selesih (MSSU
Trainers) te an kal ang.
1 Family Guidance & Counselling Centre
July 12 &13, 2014 hian Family Guidance & Counselling Centre chuan Rengtekawn Pastor Bialah Kristian Chhungkaw
Seminar leh Campaign an nei ang. July 12 (Inrinni) nilengin Rengtekawn Kohhranah Seminar an nei ang a, July 12
(Inrinni) zan atanga July 13 (Pathianni) zan thlengin Bial chhung Kohhran hrang hrangah Kristian Chhungkaw Campaign
an nei zui ang. He hun hmang tur hian Rev. R. Lalhmingthanga, Director; Rev. Jonathan Pachuau, Counsellor leh T.
Upa H. Lalchhandama, O/A te an kal ang.
1 Music
July 8 - 11, 2014 chhung hian Tuipang Kohhranah Khuang vuak & Solfa Training neih mek a ni a, hemi neihpui tur
hian Lalromawia, Senior Music Instructor leh Upa Thanghuta, Dam Veng te an kal.
1 Property
July 8 - 10, 2014 chhung hian Rengdil leh Tuidamah Pastor Quarters fencing enfiah turin Upa K. Lalremruata, Office
Assistant; Pu Ramdinliana, Surveyor, Govt. of Mizoram leh Pu Lalrinsanga te an kal.
w
w
w
.
m
i
z
o
r
a
m
s
y
n
o
d
.
o
r
g
Contd,..
Synod Information & Publicity Department, Synod Office (Third Floor), Mission Veng, Aizawl
1 Synod Relief Fund
April - June, 2014 inkarah Synod Relief Fund hetiang hian sem a ni :
[Link]. A dawngtu Mi zat Pek zat
1) Damlo rethei 30 Rs. 1,56,000
2) Accident thi 4 Rs. 58,000
3) Accident hliam 12 Rs. 63,000
4) Kangmei tuar 24 Rs. 3,06,000
5) Thlipui tuar 23 Rs. 2,08,000
6) Rethei 6 Rs. 45,000
7) Rualbanlo 5 Rs. 25,000
8) Thi (pa eisual) 1 Rs. 20,000
Total 105 Rs. 8,81,000
1 Synod Mission Board
w July 8 - 11, 2014 chhung hian Tripura Synod zirchianna nei turin Ambassa leh Agartala-ah Rev. Lalchhuanmawia,
Synod Mission Board Secretary; Rev. C. Chawngliana, Board Executive Committee Member leh Rev. Vanlalbela,
Board Executive Committee Member te an kal a, vawiin (July 10, 2014) hian Agartala-ah Consultation-ah an tel ang.
w June 28, 2014 khan Kolkata Bial chhunga Sub-Centre pakhat, Ratanpur hmunah Seeker's Rally neih a ni a,
Bialtu Pastor, Rev. [Link] kutah mi 10 in baptisma an chang thar. June 2014 chhungin Kolkata Mission Field-
ah mi 75 in Baptisma an lo chang thar tawh bawk.
w June 29, 2014 khan Diphu Bial chhung Jaipong-ah, Bialtu Pastor Rev. Benny Lalmawia kutah ringthar mi 15 in
baptisma an chang thar. Jaipong-ah hian Chanchin Tha hril a har hle a, mi ina lengin Pathian thu sawi phal a ni lo.
w July 6, 2014 chawhma inkhawmah Longnit Borjan, Karbi Anglong Field-ah Rev. Benny Lalmawia'n ringthar mi 15
baptisma a chantir. Heng ringtharte hi Aron Kimi atanga lo lut te an ni a, an pu ber Puithiam niin an tupa chu an
pathian a ni.
1 Kristian Thalai Pawl
w July 11 - 13, 2014 hian Kelsih Branch KTP Diamond Jubilee lawmna neih a ni dawn a, hemi hmanpui tur hian
Rev. J. Lalremsiama, CKTP Leader a kal ang.
w July 12, 2014 (Inrinni) hian Rawpuichhip Branch KTP ten Leadership Training an nei dawn a, training neihpui tur
hian Central KTP hruaitu Dr. Julie Remsangpuii, Treasurer leh [Link] Richard B. Lalhriatpuia, Committee Member te
an kal ang.
w July 12 & 13, 2014 hian Keifang Bial KTP Meet-ah Upa K. Rorelkima leh Pu Lalchhuanliana, Central KTP
Committee Member-te an kal ang.
1 Campus Ministry
July 3, 2014 khan Bungkawn High School-ah Campus Ministry Campaign neih a ni a, Rev. Lalchungnunga, Campus
Ministry Director in hun a hmanpui a ni.
1 Hruaina Eng FM Radio & TV Programme
w JULY 11 (FM Zoawi Aizawl @ 7:30 p.m.) :
Solo : Isak Malsawmtluanga - Ka Dai Ngai Loh Hmun Nuam, Choir : Theiriat Pastor Bial Zaipawl - Kross Ka
Chhuang, Thuchah : Upa Bonny Lalrindika - Thalai te leh tunlai khawvel, Solo : Lalnunhlui - Engmah lo mai alo ni,
Choir : TBZ Choir - Ka Rawn Inhlan E, Solo : Mawitei - Ka thlang ber zel ang che
w JULY 11 (FM Lunglei @ 7:30 p.m.) :
Solo : Isak Malsawmtluanga - Ka Dai Ngai Loh Hmun Nuam, Synod News, Choir : Theiriat Pastor Bial Zaipawl -
Kross Ka Chhuang, Thuchah : Upa Bonny Lalrindika - Thalai te leh tunlai khawvel, Solo : Lalnunhlui - Engmah lo
mai alo ni, Choir : TBZ Choir - Ka Rawn Inhlan E, Solo : Mawitei - Ka thlang ber zel ang che
w JULY 13 (TV Programme @ 3:00 p.m.) :
Zaipawl : Kulikawn Bial Zaipawl - Min tir ta che, Sermon : Upa R. Lalhmachhuana - Lal Isua Zui, Nghilh Loh Nan
: Upa Chalhnuna leh Tirhkoh Muka chanchin
1 Susamachar Prasaran Programme
JULY 13 (Pathianni) 5:00 pm. Hindi Gospel Programme (Susamachar Prasaran) :
Group/Choir/Solo : Lunglei Area Masihi Sangati - Rahi to chalta chal, Group/Choir/Solo : Chanmari Masihi
Sangati - Mein Ankhein, Sermon : Lalramzauva-Apne Margong Ka Dhyan karo, Group/Choir/Solo : Durtlang
Masihi Sangati - Ayega, Group/Choir/Solo : Champhai Bethel Pastor Bial - Jab Jab Dekho
Mail us at : mzsynfo@[Link],
mizoramsynod@[Link]
Synod I nf ormat i on & Publ i ci t y
Phone - 2314648
Synfo
Synod Social Front Helpline: 9089777129;
Tuai & Patil Helpline : 8729800130;
Students Helpline : 9856883377
PATHIAN THU ZIR DUH TAN
Presbyterian Bible School, Mission Veng-ah Session 32-na atan Certificate in Theology ([Link]) Admission hawn
a ni a. Dil duhte tan a hnuaia tarlan hi hriat tur a ni e.
q Admission Form : Office hun chhungin Rs. 10/- a lei theih a ni
q Dil hun chhung : August 20, 2014 (Thawhtanni) tlai dar 3:00 thleng
q Dil thei chin : Class VII passed, kum 16 chin, Kohhran dan chhunga awm
q Interview : August 28, 2014 (Ningani) chawhma dar 10:00
q Class tan hun : September 2, 2014 (Thawhlehni)
q Zir hun chhung : September - December, 2014
q Stipend : Zirlai pakhat hnenah thla tin Rs. 500/- pek a ni ang. Hostel a awm lo.
Hrechiang duh tan Phone No. 8575308007/2317343/2350082-ah zawh theih a ni.
REV. R. LALENGMAWIA
Principal, PBS