SCRIPT

Introduction: Sangharsh Ka Asli Matlab

Narrator 1: Tu kya sochti hai apne wajood ke bare mein? Sangharsh (struggle)
toh hum sab kar hi rahehain aur karna hi hai ant (end) tak. Hum log jab bacche
the tab k-kh-g seekhna huma re liye ek sangharsh tha. Jab college mein aaye
toh graduation acche marks se pass karna humare liye sangharsh hai, lekin asli
sangharsh toh graduation ke baad shuru hota hai jab hum apni real life mein
enter karte hain—kyunki zindagi ka doosra naam hi sangharsh hai.

Narrator2 :Lekin sangharsh ki paribhasa ladkiyon ke sandharb mein bilkul badal

jaati hai. Kabhi socha hai kyun? Woh isliye kyunki humara samaj, humara
parivar aur humare dost aksar is ladai mein humare sath khade nazar nahi
aate. Zyada tar ladkiyan isi wajah se apna hausla aur apni umeed kho baith ti
hain. Aur hum ladte-jhagadte, mushkilon ko paarkarte hue, ek sahi guidance ki
talaash mein apni manzil tak pahunchne ki koshish karte hain.

Narrator1:Toh aaiye dekhte hain ki Radhika aur Urmila—jinka sangharsh bilkul

aapke aur mere jaisa hi hai—kya ek sahi guidance ki madad se apni manzil tak
pahunch ne mein kamyab ho pati hain? Isi guidance ko dene keliye ek pathsala
samne aayi hai, aur aaj hum usko pesh karne ja rahe hain.

Narrator2: Shaam ke 5 baj rahe hain. Urmila ke pitaji chain se akhbaar padh
rahe hain aur maa pareshan hokar padosiyon ki fikar kar rahi hain.
• Maa: "Padosi dekhenge toh kya kahenge, kuch bolo isko! Itna der kyun
karti hai?
Father: Urmila kisi kaam mein phas gayi hogi..."

• (Urmila enters, breathing heavily)

• Urmila: "Maa, pitaji! Mujhe aap logon ko kuch batana hai."

• Maa: "Kahan thi tum aaj itni der tak? Aur aate hi shuru ho gayi batane.
Kya baat hai?"

• Urmila: "Mummi aur papa, aaj humare college mein ek seminar hua tha.
Delhi se ek mentor aaye the, unhone humein ladkiyon ke liye ek pathsala ka
bataya hai jeska madhyam sa hum jo bana chata hai uski padhai kar skta hai .

• Pitaji: "Achha? Is mein kya hota hai beta?"

• Urmila: "Papa, is mein humara ek scholarship exam hoga, aur humari

talent ke according humein scholarship di jayegi. Yeh sirf IAS ki taiyari nahi
karwata, balki yeh ensure karta hai ki humara future secure rahe. Bohot hi
achha institute hai!"

• Maa: (Gusse mein) "Bas! Bohot ho gaya tum dono ka. Jao, rasoi mein
jaakar kaam karo. Kya padhai karegi aur kya IAS banegi! Ladki hokar IAS
banne ke sapne dekh rahi hai. Chintu keliye paise bachao, who mard hai, kal ko
wahi kamayega aur khilayega. Tujhe toh aakhirkar sasural hi jana hai!"
• Pitaji: "Toh kya hua agar ladki hai? Use bhi bara-bar ka mauka milna
chahiye."

Narrator1: Samaj bhi badal rha hain pita beti ko aage badhana chahta hain aur
maa samaj se bachne ke liye beti ko rokna chahari hain, yeh kisi duvidha mei
hain? Kya aapne dhyan dia ? Beta aur beti ki parvarish mein yeh do-rang ki
soch kya humare samaj mein aam nahi hai?

(Scene shifts: Urmila is doing household chores while Chintu and Maa are
watching TV)

• Urmila: "Maa, maine saara kaam khatam kar diya hai, khana bhi bana
diya hai. Ab main padhne ja rahi hoon."

• Maa: "Haan ja, par mere serial ke beech mein mat aana."Aaj saas bhi
kabhi bahu thi ka aakhri episode ayega mujhe ghar mei koi shor nhi chahiye.

Narrator2- sb khana khane ke liye Urmila ka khana parosne ka intezaar krte

hain.

• Chintu-"Kya Urmila? Tujhe sirf khana parosna hai, tujhse who bhi dhang
se nahi hota kya?

Maa- Chhod beta Chintu, ise ek din sasural jana hai, yeh kya karegi padh-
likhkar. Khana khayega toh tujh mein taqat aayegi. Tum baith kar TV dekho."
Narrator's1 Reflection: Maa ki aisi jali-kati baaton ko sunkar Urmila ko bohot
dukh hota hai. Uska mann andar se toot jata hai, fir bhi woh rote hue baith kar
apni padhai jaari rakhti hai.

• Chintu: "Maa, sabzi bohot achhi bani hai, mujhe thodi aur chahiye."

• Maa: "Achha mere rajkumar ko aur chahiye? Lo makhkhan laga kar deti
hoon. Urmila! Zara apne bhai ke liye paani lekar aa!"

• Urmila: "Maa, main padhrahihoon..."

• Maa: "Toh kya ho gaya? Waise bhi sasural hi jana haina tujhe!"

Narrator:2 Parivar mein saare balidan aur struggle kya sirf ladkiyon ke hisse
mein hi aatahai? Science kehta hai ki ladkiyon ko paustik khana ki zaroorat
hoti hai, par haqeeqat mein unhe bacha-kucha hi khana padta hai.

(Chintu enters Urmila's room where she is studying)

• Chintu: "Tujhe bol raha hoon, tu kahin aur jaakar padh. Mujhe yahan
disturb mat kar."

• Maa: "Urmila, itni raat ko padhkar kaunsa teer maar legi? Chal jaakar so
ja."

• (Pitaji enters the room)

• Pitaji: "Or batao Urmila beta, kaisi chal rahi hai tumhara padhai?"

• Urmila: "Achhi chal rahi hai pitaji."

• Pitaji: "Theek hai beta, mann lagakar padhna, kabhi peeche mat hatna.
Aur yeh lo, tumhare dakhila ke paise. Apni maa aur bhai ko is bare mein batane
ki koi zaroorat nahi hai. Khush raho aur padh-likhkar mera naam roshan karo."

• Urmila: (Rote hue) "Thank you papa, main aapka naam zaroor roshan
karungi."

Urmila's Monologue: Bas ek chotasa support bhi hum ladkiyon ke liye kaafi hota
hai humara hausla badhane ke liye. Hum ladkiyon ko aksar sab ka pyaar nahi
mil pata, lekin thoda sabhi pyaar aur vishwas paakar hum khush ho jaate hain.

Narrator1: Agley din dakhila lene ke baad Urmila pehli class karti hai aur bohot
khush hoti hai. Use lagta hai ki agar sahi raah mile toh who sach mein IAS ban
sakti hai. Lekin jab who ghar aati hai, toh dekhti hai ki uski maa pados ki
Seema chachi se baat kar rahi hai.

• Seema Chachi: "Aur batao behen, kya haal-chaal? Maine tumhari beti ke
liye ek bohot hi acha rishta dekha hai. Ladka bohot achha or sundar hai,
sarkari naukri hai, zameen-jayedaad hai. Bas 15 lakh rupaye dahej (dowry)
chahiye hoga. Paise ki koi kami nahi hai, tumhari beti raaj karegi, raaj!"
• Maa: "Arre sach mein? Urmila, zara chachi ke pair chhuo aur andar se
chai-nashta lekar aao."

• (Urmila comes back with tea, looking worried)

• Maa: "Tujhe pata hai Urmila, Seema chachi teri shaadi ka bohot achha
rishta lekar aayi hain!"

• Urmila: "Maa, main abhi shaadi nahi karungi. Mujhe padhna hai."

• Maa: "Shaadi nahi karegi matlab? Ladki hai toh shaadi toh karni hi
padegi!"

• Seema Chachi : achi thik hai main chalti hu wesa esa rishta bar bar nhi
aata , bhoot hi acha rishta hai baki aaga tumhari marzi .

• (Chintu enters)

• Chintu: maa pata hai tumhe main first aaya hu !

• Maa: Acha beta! Kis main ?

• Chintu : video game main, ab main thak gya .

• Maa: " chalo kis main to first aaya , Aaja mera raja beta, baith ja, dono
milkar TV dekhte hain."

Narrator1: Dekhiye is farq ko! Ek taraf Chintu hai jo bina kuch kiye thak jata
hai, aur doosri taraf Urmila hai jiska focus sirf aur sirf apni padhai aur manzil
par hai.
Professor: (Class ki taraf dekhte hue) So class, jab hum social change ki baat
karte hain, toh sabse bada badlav tab aatahai jab koi apna rasta khud banata
hai. (Urmila ko dekhkar) Urmila! Main pichle das minute se dekh raha hoon,
tumhara dhyan class mein bilkul nahi hai. Kya baathai? IAS banna haiya sirf
sapne dekhne hain?

Urmila: (Chounkkar, khadi hoti hai, aankhon mei na ansoon hain) Sorry Sir...
Woh bas, ghar par sab keh rahe hain ki ladki hoon toh mujhe shaadi karleni
chahiye. Bhai ki padhai par dhyan diya ja rahahai aur meri coaching band
karwane ki baat ho rahi hai. Sir, samaj ki is do-rangi soch se ladte-ladte main
thak gayi hoon. Mujhe nahi lagta main ab kuch kar paungi.

Professor: (Dheere se muskurate hain, chalk ko table par rakhte hain) Baitho
Urmila. (Poori class se) Aaj hum padhai nahi karenge. Aaj main tum sabko ek
aisi ladki ki sachhi kahani sonata hoon, use agar thoda sabhi support mil jata jo
aaj tumhare paas hai, toh shayad uski zindagi ka afsos thoda kam hota. Yeh
kahani hai aaj se 150 saal pehle ki... Ek 9 saal ki bacchi Anandi ki!

Narrator1: Us 1870 ke daur ki yeh kahani [Link] apne haath mei ek

phati hui kitab lekar khadi hain aur uske papa krodh ki agni mein kahada hain.

Professor: (Narrate karte hue) San 1870 ka who daur, jahan ladkiyon ka
padhna ek paap mana jatatha. Ek 9 saal ki bacchi jab apne baap se kehti hai ki
use padhnahai...

Anandi (1870): (Bapu ke pair pakadkar, rote hue) Bapu! Main padh-likhkar
kuch banna chahti hoon. Mujhe aksharon se pyaar hai bapu, meri padhai na
roko!

Anandi ke Bapu (1870): (Gusse mein Anandi ko jhatakte hue, uske haath se
kitab chheen kar faad deta hai) Hatt chori! Teri galti hai ki tu ek ladki hai. Kal
se teri padhai-likhai bilkul band! Ladkiyon ke haath mein sirf mehndi acchi lagti
hai, kitaab nahi!
Per:-(Kitaab ke tukde zameen par bikhar jaate hain. Anandi zameen par baith
kar roti hai. Urmila yeh soch kar apni jagah par tadap uthti hai, jaise woh
Anandi ka dard samajh rahi ho.)

Professor: (Urmila ki taraf dekhte hue) Socho Urmila, us 9 saal ki bacchi ki

kismat par kya beeti hogi jab uski umar mein uski shaadi use bohot bade shaks
Gopal Rao se kar di gayi. Gopal Rao ne use thoda padhaya zaroor, par samaj ka
andha vishvas unpar haavi tha. Jab Anandi 14 saal ki hui, tohusne ek bete ko
janam diya. Par tabhi...

(Stage par rone ki aawaz aati hai. Anandi god mein ek shishu (bacha) ko liye
bilkul bebas khadi hai. Gopal Rao aate hain.)

Anandi (1870): (Ghabrahat mein) Dekhiye na ise kya ho gya hai? Yeh apni
aankhein kyun nahi khol raha? Main is par mandir ki vibhooti (bhasm) laga rahi
hoon, sab theek ho jayega.

Gopal Rao (1870): (Bacche ki nabz check kartahai, uski aankhon mein aansoon
aa jaatehain) Bas karo Anandi! Yeh sab andh vishvashai. Hamara beta ab kabhi
aankhen nahi kholega... Woh chalagaya. Bhagwan ne nahi Anandi, tumhari
ashiksha aur is samaj ke andhere ne tumhara baccha cheena hai! Tum anpadh
thi Anandi... Anpadh!

(Anandi shock meinzameen par baith jaatihai. Woh phoot-phoot kar rone lagti
hai.)

Professor: (Intense voice) Ek maa ke samne uska 10 din ka baccha sirf isliye
mar gaya kyunki us daur mein koi mahila doctor nahithi, aur na hi kisi purush
doctor ko kisi par-aurat ko chhoone ki ijaazatthi. Lekin Anandi us dard se tooti
nahi .

(Anandi stage par dheere-dheereuthtihai. Uski aankhon mein aansoon beh rahe
hain, par chehre par ek aaghai. Urmila bhi apni desk se dheere-dheere khadi ho
jaati hai, jaise dono ki aatma ek ho rahi ho.)

Anandi (1870): (Aasman ki taraf dekhkar, poore aatmavishvas se cheekhti hai)

Nahi! Ab main anpadh nahi rahungi! Main itna padhungi ki kal kisi aur Anandi
ko ilaaj ke abhav mei napna baccha na khona pade. Main doctor banungi! Main
America jaungi!

Gopal Rao (1870): (Garv se uske haath mein tickets aur badi kitaab tham ate
hue) Padh Anandi, aur badal de is duniya ko! Par tum akele ek ladki hokar us
anjaan desh mein kaise karogi? Tum abhi gaw ki gawar

Anandi (1870): (Gopal Rao ko rokte hue, poore josh mein) Gawaar? Nahi hoon
main ab gawaar! Main desh ki pehli mahila doctor banker dikhaungi!

(Anandi ka character wahi freeze ho jatahai, haath mein kitab liye upar dekhte
hue. Lights poori tarah se ab Urmila aur Professor par aati hain.)

Professor: (Urmila kepaasaakar) Dr. Anandi Gopal Joshi ne us daurmein

America jaakar Medical ki degree li jab ladkiyon ko ghar se nikalne ki aazadi
nahi thi. Unhone apna baccha khoya, par pure desh ki betiyon ke liye ek rasta
khol diya. Urmila, tumhare paas toh aaj college hai, tumhare pitaji ka chhupa
hua support hai, aur ek badalta hua samaj hai. Fir tum kyun haar maan rahi ho?

Urmila: (Uski aankhein khu jaati hain, chehre par ek nayaa atma vishvas aata
hai. Woh apne aansoon pochhti hai) Ma’am. Maine jo dekha, who sirf Anandi ka
sangharsh nahi tha, woh meri takdeer ka aaina tha. Agar woh us andhere mein
diya jala sakti hain, toh main is ujaale mein peeche nahi hatungi. Chahe samaj
kuch bhi kahe, main padhungi aur IAS banker dikhaungi!

Professor: (Garv se muskurate hain) Shabash! Yahi toh main sunna chahta tha.

(Urmila apni desk se apni kitab aur pen uthatihai aur poore josh kesath khadi
hotihai. Anandi aur Urmila dono ek sath audience ki taraf dekhte hain.)

Professor: (Center stage par aakar) Har din ek aurat ko neecha dikhaya jaata
hai, par har din ek aurat uthkar is samaj ko peeche chhod deyiti hai! Chahe
daur 1870 ka ho yaaaj ka... jab ek beti than leti hai, toh woh itihaas badal deti
hai. Yahi hai sangharsh ka aslimatlab—yahihai Nari Shakti!

(Zoradar background score kesath lights fade out hotihain.)

Narrator2: Urmila jab ghara ati hai, toh uske dimaag mein Seema chachi ki
baatein aur maa ka pressure ghum raha hota hai. Par who haarna hi maanti.
Woh khud se vaada karti hai ki woh din-raat ek karke padhegi aur IAS bankar
dikhayegi. Dekhte hi dekhte ek saal guzar jata hai aur UPSC exam ka din aa
jata hai.

Narrator1- Aaj pariksha ka din hain jisme Urmila aur Chintu dono pariksha
dene jaate hain.

• Maa: "Arre, donoke papa kahan chale gaye? Chhodo unhe. Aaj mere bete
Chintu ka exam hai. Dekhlena, mera beta bada afsar banega. Yeh lo beta, dahi-
shakkar khao, exam achha dena."

• Chintu: "Haan maa, aashirwad do."

• Maa: "Khush raho beta, safal hokar aana."

• (Maa ignores Urmila,Urmila silently takes her father blessings)

• Pita ji : “jao beta acha sa pariksha dekar aana”

( Both Chintu and Urmila leaves for exam )

Narrator1: Dono exam dete hain aur din beetne lagte hain. Ek din jab maa aur
Chintu TV dekh rahe hote hain, tabhi news channel par UPSC ka result
announce hota hai.

• TV News Anchor: "Namaskar! Is saal UPSC topper Bihar ke ek chhote se

Rampur gaon ki beti Radhika bani hain, aur doosra bada naam hai... Urmil
• Pitaji: (Khushi se jhoomte hue) "Arre! Yeh toh humari Urmila hai! Urmila
beta, tumne kar dikhaya! Tum IAS ban gayi ho!"

• Urmila: (Papa ke pair chhukar) "Yeh sab aapke vishwas ki wajah se huahai,
papa."

• Maa: (Chintu se gusse mein) "Aur tera kya hua re?"

• Chintu : maa main fail ho gya .

• (Chintu fails and looks down in shame)

Narrator2: Aaj Urmila aur anandi ne apne junoon, apne hausle ke sahi
guidance ke dum par sufalta ka naya savera deka hai. Hum ladkiyon ka asli bal
yahi hai ki hum apni kabiliyat ko pehchaane aur sahi disha mein mehnat karein.
Yahi sufalta ka mool mantra [Link] din

Narrator 1:Ek aurat ko neecha dikhaya jaata hain pr har din ek aurat uth kar
samaj ko peeche chhod deti hain. Jha ek aur Urmila padhai kr ke desh ka naam
roshan kr payi whi pr kuch esi bhi mahilaye hoti hain jinko ek tinke matra ka
sahara nhi prapt thota .

Padhengi ladkiyaan tbhi toh bdhengi ladkiyaan aur bdhega bharat