THE MUSEUM OF FORGOTTEN THINGS
A Nukkad Natak
Theme: Purani Yaadein, Naye Zamane ki Raftaar aur Sachhe
Rishton ki Ahmiyat
CHARACTERS
Sutradhar
Museum Guide
Student 1
Student 2
Student 3
Dictionary
Photo Album
Chithi
Chorus (8–10 members)
ENTRY
CHORUS (ENERGETICALLY):
👏👏 Taali! Khartal! Taali! Khartal! 👏👏
Suno Suno Ae Duniya Waalo!
CHORUS:
Suno! Suno!
SUTRADHAR:
Aao! Aao!
CHORUS:
Natak Dekho! Natak Dekho!
SUTRADHAR:
Purani Yaadein!
CHORUS:
Naya Zamana!
SUTRADHAR:
Sab Kuch Dekho!
CHORUS:
Sab Kuch Jaano!
SUTRADHAR (ADDRESSING AUDIENCE):
Arre bhaiyon aur behno! Aaj ka insaan... Subah uthte hi... Phone!
Khana khaate hue... Phone! Doston
ke saath... Phone! Aur ghar walon ke saath bhi... Phone!
Lekin... Iss phone ki daud mein... Humne kuch aur kho diya hai...
Kya? Aaj wahi dekhne aaye hain hum!
Swagat hai... THE MUSEUM OF FORGOTTEN THINGS mein
MUSEUM ENTRANCE
Museum Guide proudly stands near the museum board. Students
enter while looking only at their phones.
They bump into each other.
STUDENT 1:
Arre dekh ke yaar! Phone gir jaata toh?
STUDENT 2:
Phone bach gaya... Main theek hoon!
STUDENT 3:
Guys... Ek reel banate hain... "Exploring Weird Places!"
They start pretending to record.
GUIDE (SMILING):
Swagat hai bachcho... Yeh koi aam museum nahi hai. Yahan sona
nahi... Chandi nahi... Lekin... Har
cheez ke paas ek kahani hai.
CHORUS:
Kahani! Seekh! Yaadein!
DICTIONARY
Student 2 picks up the Dictionary.
STUDENT 2:
Arre waah! Kitni moti kitab! Log isme words dhoondte the? Google
nahi tha kya?
CHORUS:
Google! Google! Sab Google!
GUIDE:
Beta... Google jawab deta hai... Lekin... Kitab sochna sikhati hai.
PHOTO ALBUM
STUDENT 1:
Aur yeh dekho... Photo Album! Kitni purani photos! Aaj toh phone
mein hazaar photos rehti hain. Iski kya
zarurat?
CHORUS:
Hazaar Photos! Yaadein Kitni?
LETTER
STUDENT 3:
Aur yeh... Chithi! Log iske liye dinon tak wait karte the? Main toh
message ka reply 5 minute late aaye...
Toh gussa ho jaata hoon!
CHORUS:
Sahi Baat? Ya Galat Baat?
STUDENT 2:
Seriously... Is museum mein toh kuch bhi interesting nahi hai. Na
Wi-Fi... Na Charger... Na AC!
STUDENT 3:
Aur network bhi nahi aa raha! Kaise jeete honge log pehle?
GUIDE (CALMLY):
Bina internet ke jeena mushkil ho sakta hai... Lekin... Bina rishton
ke? Bina yaadon ke? Bina seekh ke?
Socho... Kaun zyada zaroori hai?
The students ignore him.
STUDENTS LEAVE
STUDENT 1:
Chalo yaar... Time waste ho gaya.
STUDENT 2:
Next café chalte hain. Wahan reel bhi ban jayegi.
STUDENT 3:
Aur Wi-Fi bhi mil jayega!
They leave laughing. Student 2 accidentally leaves a water bottle
behind
TRANSITION
The Guide slowly picks up the forgotten bottle and places it near
the museum entrance.
GUIDE (SOFTLY):
Aaj... Sirf botal hi nahi chhuti... Kuch aur bhi chhoot gaya hai...
Soch... Apnapan... Aur purani seekhon ki
kadar.
CHORUS (SLOW RHYTHM):
Taali... Khartal... Taali... Khartal…
SUTRADHAR (MYSTERIOUSLY):
Din bhar log inhe dekhkar hanste hain... Inka mazaak udaate hain...
Par jaise hi shaam hoti hai... Aur
museum ke darwaaze band hote hain...
Ek ajeeb si khamoshi... Zindagi ban jaati hai... Kyunki... Yeh purani
cheezein... Bolti hain…
PART 2 – THE MUSEUM COMES ALIVE
CHORUS (SOFTLY, RHYTHMICALLY):
Taali... Khartal... Taali... Khartal…
DICTIONARY (STRETCHING):
Ahh... ek aur din khatam! Aur ek aur din... Jab kisi ne mujhe khola
bhi nahi! Aaj ek ladke ne poocha...
"Isme search button kahan hai?"
Arre beta... Button nahi... Mehnat hoti hai! Aur mehnat se hi gyaan
milta hai!
CHORUS (CLAPPING):
Mehnat ka koi shortcut nahi!
PHOTO ALBUM (HOLDING IMAGINARY PHOTOGRAPHS):
Yeh dekho... Yeh birthday... Yeh picnic... Yeh dadi ki muskaan... Yeh
papa ki hasi... Har photo ke
peeche... Ek kahani thi.
Aaj phone mein hazaaron photos hain... Lekin... Kitni yaadein dil
mein rehti hain?
ALL:
Bhool gye bhool gye , yaadein saare bhool gye
CHITHI (WITH EMOTION):
Main sirf kagaz nahi thi... Main intezaar thi. Main mohabbat thi. Main
maa ka pyaar thi. Main dost ki yaad
thi.
Mujhe padhte waqt... Log sirf shabd nahi... Ehsaas bhi mehsoos
karte the. Aaj... Emoji bhej dete hain...
Aur samajhte hain... Dil ki baat ho gayi!
CHORUS:
Emoji alag…
ALL:
Ehsaas alag!
DICTIONARY:
Ek aur baat... Mujhe kabhi charge nahi karni padti!
PHOTO ALBUM:
Aur mujhe password bhi yaad nahi rakhna padta!
CHITHI:
Bas... Dil yaad rakhna padta tha.
SUTRADHAR (WALKING AMONG THE AUDIENCE):
Bhaiyon aur behno... Sochiye... Technology buri hai?
CHORUS:
Nahi!
SUTRADHAR:
Toh phir dikkat kahan hai?
CHORUS (POINTING TOWARD THEMSELVES):
Humari soch mein!
DICTIONARY:
Technology ne duniya ko paas laaya... Lekin... Kya hum dil se bhi
paas aaye?
PHOTO ALBUM:
Hum photo lene lage... Par pal jeena bhool gaye.
DICTIONARY:
Hum information toh bahut le aaye... Par gyaan? Soch? Samajh?
Unka kya hua?
CHITHI:
Hum jaldi mein jeene lage... Aur isi jaldi mein... "Thank you"...
"Sorry"... Aur "Main tumhari parwah karta
hoon"... Kehna hi bhool gaye.
CHORUS:
Taali! Khartal! Taali! Khartal!
SUTRADHAR:
Purani Yaadein!
ALL:
Zindabad!
SUTRADHAR:
Sachhe Rishte!
ALL:
Zindabad!
SUTRADHAR:
Apnapan!
ALL:
Zindabad!
SUTRADHAR:
Phone rakho…
ALL:
Do Pal Baat Karo!
SUTRADHAR:
Selfie kam…
ALL:
Yaadein Zyada!
SUTRADHAR:
Google se pehle…
ALL:
Sochna Seekho!
SUTRADHAR:
Emoji se pehle…
ALL:
Ehsaas Samjho!
FINAL MESSAGE
MUSEUM GUIDE:
Yaad rakhiye... Naya zamana galat nahi... Lekin... Agar purani seekh
peeche chhoot gayi... Toh hum bhi
kahin na kahin... Kho jayenge.
SUTRADHAR:
Asli khazana... Mehenga phone nahi... Mehengi gaadi nahi... Asli
khazana hai... Apne log... Apni
yaadein... Aur unse mili hui seekh.
ALL (RAISING THEIR FISTS):
👏👏👏
Badlo Soch! Badlo Gyaan! Purani Yaadon Ka Karo Sammaan!
Suno Suno Ae Duniya Waalo! Purani Yaadein! Naya Zamana! Sab
Kuch Dekho! Sab Kuch Jaano!
Purani Seekh Ko Kabhi Mat Bhoolo!
The chorus gives one final loud sequence of claps and khartal. All
actors come together, bow to the audience,
and freeze in the final pose.
— SAMAAPT —