Episode 2
Scene 1
Mustafa
yaar Ammi bohat bhook lagi hai yaar. arey yaar phir aloo baingan.
Shagufta
haan to kya hua? izzat karni chahiye rizq ki aur sabar shukar karke kha lena chahiye jo mile.
Mustafa
sara din Abba ne market mein thaka diya ab yahan par aake ye aloo baingan nahi kha raha main.
ye kya hai kofte aur karhai
Shagufta
wapas rakho Adil ke liye hai ye kofte aur karhai.
Mustafa
kasam se yaar ye bhai ke na mazay hain. sirf ghar mein dinner karte hain wo, hamari ammi sara
ehtamam unke liye karti hai. hum lunch mein ye tinde turi, aloo baingan wah
Shagufta
sara din mehnat karta hai samajh mein aaya. ek waqt ka khana to mere bachay ka haq banta hai
na ke uski pasand ka ho.
Mustafa
sach baat nikal gayi aapke muh se nahi hoon na main aapko beta sach batayein kahan se uthaya
aapne mujhe
Sidra
assalamualaikum Ammi.
Shagufta
walekum salam aa gayi
Sidra
ji bhai aa gaye ghar.
Shagufta
haan wo to aa gaya tha kaafi dair pehle aaram kar raha hai apne kamre mein. to tum logon ko to
shopping pe nahi jana tha ek saath.
Sidra
bhai ne sahi nahi kiya.
Mustafa
arey aisa nahi kehte bhai beta hai unka dil kharab ho jayega. hum lay palak hain hamare baare
mein aisi baatein karo.
SCENE 2
Adeel
hello.
Sharjeena
wo dopahar mein aapne kaafi rudely baat ki thi mujhse. asal mein aaj tak mujhse kabhi kisi ne is
tarah baat nahi ki to main jan’na chah rahi thi ke aap itne upset kyun the?
Adeel
Sarjina office mein urgent kaam aa gaya tha busy ho gaya tha main aur tum log baar baar phone
kiye ja rahe the. gussa to aana tha na mujhe.
Sharjeena
haan lekin busy hone ka matlab ye to nahi hai na ke aap badtameezi karein.
Adeel
senior management ne board meeting call kar di thi. aur tum log shopping ka fuss create kar
rahe the.
Sharjeena
main fuss create nahi kar rahi thi. main sirf ye poochna chahti hoon once and for all.
Adeel
main bohat responsibility wali post pe kaam karta hoon. bura mat manna lekin tumhare hone
wali behnon ki tarah kapra farosh nahi hoon main.
Sharjeena
hmm. theek keh rahe hain aap aap asal mein bohat busy hain. meri ghalti hai.
Adeel
Sharjeena main bohat thaka hua hoon exhausted hoon please rest karna chahta hoon.
Sharjeena
khuda hafiz
Scene 3
Shagufta
kya hua
Sidra
hamare saath shopping pe jana tha nahi aaye
Mustafa
nahi aaye
Sidra
nahi aaye. itni dafa calls ki nahi uthai. Shajina ne call ki phir bhi nahi uthai. phir pata nahi bari
dair baad jab call uthaya pata nahi kya usko bola. uska chehra latak gaya.
Mustafa
bara aadmi hai kuch bhi kar sakta hai.
Shagufta
masroof ho gaya hoga koi wajah hi hogi na.
Mustafa
sahi baat hai.
Sidra
Aisi bhi kya masroofiyat hai.
Mustafa
phir wahi baat aap zyada seriously mat lain, so rahay hai wo rest kar rahay hai
Scene 4
Shagufta
bhabhi Salma tayari kaisi ja rahi hai
Salma
arey bhabhi mat pooche shaadi ki tayari mein kahan din raat ja rahe hain kuch pata nahi chal
raha.
Shagufta
bhabhi yahan par bhi yahi haal hai shagupta din raat shopping mein lagi hui hai.
Murtaza
Han bhai Mustafa kya chal raha hai aaj kal
Mustafa Father
Mustafa kya chal raha hai kya matlab bhai Mustafa to itna busy hai jiski koi inteha hai. aisi
yariyan nibhata hai shaam ko jata hai raat ko wapas aata hai.
Waqas
vaise aisi baat bhi nahi hai uncle hamara Mustafa bara intelligent hai IT ki cheezon mein iski
knowledge zabardast hai.
Mustafa
shukriya waqas bhai. Ye achi lagti hai ye baat mujhe inki sach baat keh dete hain.
Rameen
Adeel bhai kahan hai?
Mustafa Father
haan Sidhra Adil ko bulao.
Sidra
main bulati hoon abhi.
Shagufta
chhoti wali ko dekho kitni bari ho gayi hai aik dam hai.
Sidra
dulhe miya aapke sasural wale aapse milne aaye hain. please chale.
Adeel
Sidra aap log wahan bethe ho na Sidhra mera milna zaroori hai unko.
Sidra
ye kya baat hui? sab aapse milne aaye hain. aapki Salia aapko dekhne ke liye aayi hai. milne ke
liye poori baat chali hai na.
Adeel
ek to ye shaadi ki events aur uski rasmein mujhe samajh nahi aati hain. bohat irritate hota hoon.
Sidra
buri baat hai. chale mujhe aapko leke chalna hai. chale na main aapko leke jaungi. chalein.
Adeel
acha chalo aa raha hoon.
Mustafa
yahan bethein.
Murtaza
walekum salam beta.
Sharjeena Sister
kaise hain Adil bhai aap. Adil bhai aap tayyar nahi hain. main aapse jootay chhupai ke poore
50,000 loongi.
Mustafa
50,000 bhai ye shaadi to dulhe ko bari mehngi parti hai. iska matlab hai main phir nahi
samajhta.
Sharjeena Sister
ab dekhiye bhai hum bechari do saliyan hain. ab is mehngai ke daur mein kam az kam 25-25,000
to aaye na.
Mustafa
aapke to 10,000 bante hain na. aap to chhoti si hain nahi.
vaise ye aap sikha ke aayi hain na in dono ko.
Sidra
Kya tang kar rahe ho usko. pehli dafa aayi hai sasural. kaisa lag raha hai Sharjeena sasural aake.
mashallah mashallah sweet
Shagufta
Sidhra jao phir chai wai ka intezam kar lo.
Sidra
sab ready hain.
Sidra
Bhai kahan jare hain
Adeel
Ek zaroori kaam
Sidra
Lekin bhai mehman
Scene 5
Rubab (Flashback)
For years, you have never felt anything, kabhi ap ko nahi laga ke main ne hamesha tumhein sab
se zyada importance app ko di?
I have preffered you over everyone else.
Rubab
Adeel
Adeel
Hi
Rubab
Hi
Adeel
Mujh se shadi karain ge app
Rubab
I told you mujhay tum pasand ho, mera dil rakhnay ke liye kehre ho
Adeel
Aisa nahi hai, jis bemisaal larki ke khawaab dekhne ke liye bhi dharta tha, agar us ne mujhay
apne kabil samjha, to us ka sath puray fakhar, Khushi aur Mohabbat ke sath kabool karna chahta
hoon
Rubab
Office me kaam karne lke sath, marketing skills bhi achi Karli hain tum ne apni
Scene 4 Continuation
Salma
Are Bhabhi itna takaluf
Shagufta
Takaluf kia, chai ke sath thori cheezain hai, mehmaan ai hai, aur hamari bahu ai hai, to Zahir hai
kuch to hoga
Mustafa father
Sidra adeel kidhar hai, chai nahi le ga
Sidra
Uncle wo bhai ko office se phone aya tha, to udhar gai hain
Mustafa father
Kia matlab office gain hain, mera matlab hai ke us ke susral wale ai hue hain, wo office chala gia,
kam az kam, dua salam kar ke jata
Sidra
Abba unko emergency me call kaya tha, koi meeting ke liye, uncle iss liye gai hain, warna to
Murtaza
Chalo koi baat nahi, nokri to nokri hain, koi zaroori kaam pargia hoga, relax karain app log
Shagufta
Salma, aur murtaza bhai, yahi apnnayat achi lagti hai app log gi, lagta hi nahi hai Adeel ki shadi
ghairo me hori hai
Scene 5 Continuation
Rubab
Jab se tumhari shadi ka suna tha, I was so upset
Adeel
Andaza hai mujhay, ap 2 din se office bhi nahi aaye. aur mere calls bhi pick nahi ki aapne.
Rubab
kisi ki bhi calls pick nahi ki. I was so off. Daddy ne kitni dafa mujhe calls kiye hain London se. I
didn’t pick it up.
Adeel
ek baat keh sakta hoon. itni khaas larki mujhe itni ahmiyat de rahi hai. mujhe waqai apni kismat
pe yaqeen nahi ho raha. shayad main khwab dekh raha hoon.
Rubab
Khuwab nahi hai, haqeeqat hai, yakeen karlo ab. shaadi kis se kar rahe ho?
Adeel
tha. kar raha tha.
Rubab
ok. shaadi kis se kar rahe the?
Adeel
apne father ki dost ki beti se.
Rubab
pasand karte ho usay?
Adeel
shayad Jeena mere parents ki pasand hai. meri nahi.
Rubab
arranged marriage. hmm. aur ab
Adeel
aur ab sirf aap ho. kisi aur ka to sawal hi paida nahi hota. magar haan. aapki aur apne status ke
farq ko leke pareshan.
Rubab
don’t worry about it. mujhe koi farq nahi parta hai. 4 saal ho gaye hain. pehli dafa jab tumhara
interview liya tha na. tab se pasand hai mujhe to. Four years mein tumhein kabhi bhi andaza
nahi hua that I like you.
Adeel
bohat baar hua tha. lekin maine hamesha usko apna veham samajh ke taal diya. itni khaas larki
mujhe pasand kar sakti hai. is baat ka yaqeen karne se darta tha main. I am sorry.
Scene 6
Rameen
kitna ajeeb sa laga adeel bhai mile baghair hi office chale gaye.
Yumna
sirf ajeeb mujhe to bohat bura laga. aisa karta hai koi apne sasural walon ke saath.
Salma
kya bekaar baatein kar rahe ho tum log? aray bhai koi kaam par gaya hoga is liye wo chala gaya.
Yumna
kya zaroori kaam mummy koi jang chhir gayi thi jo unhein topay aur tank leke maidan-e-jang pe
pohanchna tha. banda aaram se at least khudafiz karke to jata hai. manners bhi kisi chirya ka
naam hotay hain.
Rameen
adeel bhai jab tak wahan bethe hue thay. Un ka behavior kitna ajeeb sa tha. bas aise hi munh
bana ke bethe hue thay. inse achay to Mustafa bhai hain. at least hum jab bhi wahan jate hain to
achay se milte hain warmly welcome karte hain. aur wo gate tak bhi khud hafiz karne aate hain.
Yumna
haan mana ke Adeel bhai jaisi bari degree nahi hai unke paas. lekin at least wo rude to nahi hai
na.
Salma
fazool baatein shuru kar di tum logon ne. aray beta jab naye rishte banne ja rahe hotay hain. to
ye chhoti chhoti baaton ko discuss karke ek doosre ka dil nahi kharab karna chahiye. tum log to
us bechare ke peeche hi par gaye.
Murtaza tumhari ammi theek keh rahi hai beta. jab insaan job karta hai to 100 cheezen hoti
hain neeche. bohat si cheezon ka khayal rakhna parta hai. priorities badal jati hain. aisi ulti pulti
baatein soch ke dil kharab nahi karte.
Scene 7
Mustafa
Aray bhai khol ke bhi dikha do kab tak kharay rahenge yahan. Admi chota bhai na ho, kutta ho.
Sidra Husband
ye dekhna yaar. kal raat se baar baar hang ho raha hai.
Mustafa
haan bhai ruk bhi ja.
Sidra Husband
mere saare IT ke maslay tum hi to hal karte ho. ab wo laptop ho, mobile ho. mujhe pata hai ke IT
guru Mustafa sahab hal kar dein ge.
Mustafa
create bhi to nahi kiya itne din se. aate kaam lekar mere paas hi. chahe abba ke phone ka masla
ho. ya bhai ka laptop. abhi aapko pata hai pichle dinon kya hua? itni bari presentation thi. o bhai
yaar phool walay kya karna hai? haan theek hai. presentation pe laptop kharab ho gaya bhai ka.
end minute mein bhai mere paas le kar aaye. maine sara data recover kar diya 5 minute mein.
unko poora IT department kuch nahi kar paya. lekin majaal hai bhai ko appreciate hi karte. itna
khush ho jata hai na aadmi. haan bhai aray khol de.
Ye lo, hogia
Sidra Husband
Are kia karte ho, kamal karte ….
Mustafa
Sidra ko bataon ga, do chaar number mile gain,chal bhai sare raat kharain rahain ge
Scene 8
Mustafa
ammi isko kahan rakhna hai?
Shagufta
mere sar pe rakh do beta.
Mustafa
nahi yaar ammi aap khamakha mein naraz ho rahi hain. waise ye bhai wala maamla na hai
girlfriend wala chakkar. pata karwa le, pata karwane me koi harj nahi hai.
Shagufta
Mustafa tum to bas betuka hi bolo ge chup ho jao.
Mustafa
main chup hi rehta hoon.
Shagufta
haan chup raho.
Mustafa
haan theek hai.
Waqas
ammi fikr na karein. Adil ek sensible aur zimmedar larka hai. zaroor koi bari emergency hui hogi.
warna wo is tarah nahi jata.
Sidra
sahi keh rahe hain, ammi. aa jayenge pareshan mat ho. aur aap zara ja ke dekh lenge.
Shagufta
Are rehne do, use kuin bhej rahi ho, bas aa jayega khud hi se.
Scene 9
Rubab
Daddy…hello daddy how are you? I am great. in fact, I am very very happy today. I want to tell
you something. aap aisa karein kal ki flight kara ke Pakistan wapas aa jayein. yeah there is a
news. aap bas aa jayein. ok looking forward to seeing you. bye.
Scene 10
Mustafa
25 ballon se pehle pehla run nahi leta.
Waqas
aisi baat bhi nahi hai bana lega.
Mustafa
18 kar lo.
Sidra
Abba….khana kha lijiye.
Waqas
aray good shot yaar good shot.
Adeel
Asalamwalaikum
Shagufta
Ye achanak kahan chale gai the tum uth kar, bagair batai
Adeel
Ammi ek urgent kaam tha, emergency me jana para tha
Shagufta
Tumhe pata tha ke mehmaan are hain
Mustafa father
Ye kon sa tarika haim koi aam log nahi ai the, tumhare susrali the, aur tum ko is tarha nahi jana
chahye tha, maan lia koi kaam tha, kam az kam Bhabhi se mil ke chale jate
Mustafa!
Mustafa
Sorry
Mustafa father
Ye to intha darje ki bad ikhlaaqi tum ne dikhai hai, unho ne kuch kaha to nahi, lekin un ke chehre
se haya tha ke un ko ye baat achi nahi lagi
Adeel
Abba me buri tarha exhausted hon, ye baatain hum kar karsactay hain
Sidra
Khaana..
Mustafa father
Nahi khana mujhay
Shagufta
Sidra abba ko khana khelao ja ke
Scene 11
Adeel
mujhe maloom nahi tha ke Masoor sahab ki doosri shaadi hai.
Rubab
my parents got divorced almost twelve years ago. aur divorce ke baad mere father ne ek British
Pakistani aurat se shaadi kar li thi. my mom also moved on she got married in the US and moved
there. but I am very close to my father. so laadli hoon unki main. so he make sure ke jo unki
London mein family hai wo separate rahe. so unhone apni wife ko wahan pe rakha hua hai. unki
ek beti bhi hai 10 saal ki. he comes visits me.
Scene 12
Yumna
Rameen , ammi ki almari se meri aur Sarjeena ki jewelry la ke yahan rakho. main tab tak hamari
baqi cheezen nikal rahi [Link]
ji Yumna aapi. waise aap dono parlor kab tak jayenge.
Yumna
maheen aa rahi hai main bas nikal rahi hoon. Sharjeena tum chooriyan kaunsi pehnogi mujhe
batao main nikal doon. yellow aur green karoron wala sethiya kaanch ki chooriyan pehnogi.
Salma
Rameen beta dekhna koi aaya hai. Yamuna beta tum abhi tak kapron mein hi lagi hui ho. itna
kaam para hua hai kya ho gaya hai tum logon ko. ek to main Abda se itni pareshan hoon ke kya
bataun. kaha bhi tha maine ke shaadi ghar hai safai kar lo. lekin nahi wo hi tehalti bhi aati hai
aaram se.
Rameen
ammi ammi bahar decoration wale aaye hain.
Salma
to beta baba se kaho na mujhse kya keh rahi ho. Sherjeena beta zara maloom to karo khala ki
flight time par bhi hai ke nahi.
Rameen
ammi meri baat ho gayi thi khala se flight time pe hai wo bas nikal rahi hai.
Salma
chalo acha hai.
Rameen
waise ab kitna maza aayega na. ab lagega na hamara ghar shaadi wala. Nadia khala, Jamshed
khalu aur Mano ke aane se alag hi ronaq ho jayegi.
Salma
bhai filhaal to sirf tumhari khala aa rahi hai. Jamshed aur bachay shaadi se ek do din pehle hi
aayenge. unki kuch chhutti ka masla par gaya.
Yumna
kya matlab mayon aur mehndi par khalu aur bacha party nahi honge.
Salma
fikr kyun karti ho tumhari khala 10 pe bhaari hai. aisi ronaq lagayengi na ke maza hi aa jayega
Yumna
sahi keh rahi hai waise ammi Nazia khala se achi dholki koi baja hi nahi sakta.
Rameen
bas ab aaj raat se leke shaadi ke din tak har roz raatjaga hoga. khoob gaane gayenge raat ko.
Salma
acha wo to aap baad mein kareingi na. ab zara ja ke khala ka kamra bhi abda se keh ke tayar
karwa lo. aur suno khaas tor pe gusal khana achi tarah saaf karwana. ye bohat bura kaam karti
hai.
Rameen
ammi abhi to jahaz se bethe bhi nahi hain wo log. Karwalon gi main
Salma
bohat sust ho bhai. acha Yumna, Sharjeena aa jao bete mere saath kaam bohat hai aa jao.
Yumna
ammi mayon ki dulhan se aise kaam karwayengi.
Rameen
Yumna mayon to shaam mein hai na. abhi jao ammi ke saath kaam karwao achay bachon ki
tarah. mayon ki dulhan main
Yumna
Mai nikal rahi
Scene 13
Mustafa father
Adeel aaj phir office chala gaya.
Shagufta
ji chala gaya.
Mustafa father
office kyun gaya? aaj to mayon ki rasam hai.
Shagufta
aray usay kaun sa mayon ki rasam mein baithna hai. aap kaisi baatein karte hain. aapko pata bhi
hai ke daftar mein uski kitni ahmiyat hai. bohat aham zimmedariyan sambhalta hai wo. wahan
kaam hotay hain. mere bete ke peeche na para karaon
Mustafa father
bhai ye Mustafa nahi aaya abhi tak?
Sidra
nahi abba.
Mustafa father
o bhai ye gaari mechanic ke paas bheji thi. ke shaadi ka ghar hai service aur tuning karwa lo. itni
dair laga di.
Shagufta
aa jayega aa jayega.
Mustafa father
aray pata hai mujhe aa jayega. apni gaari mechanic ke paas wahan ke na. doston ke saath phone
par baat vaat kar raha hoga.
Scene 14
Mustafa
Dhul gayi ke nahi dhuli?
haan Mustafa bhai ho gayi. gaari bohat gandi thi is liye time zyada lag gaya. aap aaye bhi to
bohat din baad hai
Scene 15
Sharjeena
Hi
Adeel
Hi, kya haal hai?
Sharjeena
haal to aap batayein. kaafi busy hain aaj kal. kal hum log aapke ghar aaye. aur aap mujhe aur
meri family ko ignore karke kahin chale gaye.
Adeel
ek zaroori kaam tha is liye.
Sharjeena
lets get this straight. kaafi time se aapka mere saath aur meri family ke saath bohat cold aur
unwelcoming behavior hai main. honestly bas wajah jan’na chahti hoon ke kyun?
Adeel
to kya main red carpet pe ja ke aap logon ka wait karta hoon.
Sharjeena
excuse me…. us din aap shopping par nahi aaye. aapne mere saath decide kiya tha ke aap
aayenge aur aap nahi aaye. chaliye theek hai aap nahi aaye lekin uske baad aapko sorry bolna
chahiye tha. apologize karna chahiye tha at least. uski jagah aapne mujhse badtameezi ki.
mujhse rudely baat ki. aap mere saath itne cold kyun ho rahe hain mujhe samajh nahi aa rahi
hamari shaadi hone wali hai. shaadi ke ek hafte pehle aapke is cold behavior ko main kya
samjhun? mujhe nahi samajh aa rahi hai. and honestly speaking aapne kal mujhse jis tarah baat
ki mujhe lag raha tha aap shadi nahi karna chahte mujhse.
Adeel
main waqai shaadi nahi karna chahta sharjeena
tumne abhi mujhse wajah poochi. so let me get this very very clear. I am extremely sorry agar
main tumhein hurt kar raha hoon. magar main ye shaadi nahi kar sakta. meri zindagi mein koi
aur hai. aur main usse shaadi karna chahta hoon. tum mujhe jaanti ho. main ek honest insaan
hoon. kabhi bhi jhoot bol ke dhoka de ke koi kaam nahi karta. is liye ye baat main tumhe saaf
saaf khud bata raha hoon. warna agar chahta to apne parents ke through bhi tumhare ghar
inkaar bhijwa sakta tha. lekin mujhe ye laga. ke ye baat mujhe khud tumhe saamne baith ke
batani chahiye.
Hamari arranged marriage ho rahi thi. tum mere parents ki pasand ho. aur maine sirf unki
pasand ko accept kiya tha Sarjeena I am really really sorry. magar main ye shaadi nahi kar sakta.
coffee piyoge?
Scene 14 Continuation
Mustafa
Sharjeena kya hua? akele kyun khari hai aap yahan? wo bhai thay na aapke saath kahan gaye.
Sharjeena beta kahan reh gayi ho tum. pata bhi hai khala aane wali hai itne kaam pare hue hain.
tum to rameen se keh ke gayi thi main bhi aa rahi hoon. ab dekho kya waqt ho gaya hai.
Sharjeena
ji ammi main bas main bas aa rahi hoon ek kaam tha mujhe.
Mustafa
kya hua tha sir? sab theek hai na?
Sharjeena
bhai kahan hai aap? kab se intezar kar rahi hai. kya matlab 5 minute mein aayenge. kaisi service
hai ye?
Mustafa
bhai se koi baat hui hai aapki? kuch keh ke gaye hain wo?
Sharjeena
Baat khatam kar ke gaya tumhara bhai. rishta khatam kar diya usne mere se. theek hai. mera
baap na ghar pe mujhse ye poochna chah raha hai ke stage kaise set karwana hai. light kahan
lagwani hai. mera maayon hai. aaj meri meri Khala Dubai se aa rahi hai. aur yahan pe khari ho
ke main ye soch rahi hoon ke main apne ghar walon ko kaise bataungi ye sab. Ke inko kam se
kam dukh ho.
Mustafa
Sharjeena aap kya keh rahe ho mujhe kuch samajh nahi aa raha hai. sahi keh rahi ho unhein koi
aur pasand hai. kisi aur se shaadi karna chahta hai. aur usko laga ke aaj jab shaadi ke saare
functions shuru hone lage hain. to aaj perfect time hai mujhe ye sab batana. shayad pehle time
nahi mila ho.
Mustafa
acha aap aap gaari mein bethein. main main aapko ghar drop kar deta hoon. raaste mein baat
kar lete hain sharjeena
Flashback scene
Murtaza
aray aray aray aray. bahadur log bilkul nahi rote. Sharjeena tum to meri bahadur beti ho haan?
baray ho ke tera bazu banna hai. dekho main tumhe ek baat bataun. tum is ghar ki sabse bari
beti ho. tumne baray ho ke apni chhoti behnon ka hausla banna hai. meri himmat banna hai.
rona nahi hai. be brave bahadur. smile. smile smile smile.
Mustafa
Ye lejiye
thank you.
Mustafa
AC bhi kaam nahi karna hai.
samajh nahi aa raha bhai ne aisa kiya kyun? aap logon ki to marzi ki shaadi hai. kyun ke phir
achanak is tarah. shaadi jab set pe khari hai us waqt mujhe sach mein bilkul samajh nahi aa
raha.
Sharjeena
Der hori hai mujhe please ghar chhor do.
Mustafa
Jee…
mujhe pata nahi kya kehna chahiye. stay strong. this is not the end of the world.
Tumko..aapko kisi bhi cheez ki zarurat ho to main hoon. main zimmedar ya acha to nahi hoon
lekin doston ko aise beech raaste mein chhor ke nahi jata main. you can always count on me. koi
bhi cheez.
Suno, bhabhi bano ya na bano but ek dost hai tumhare paas hamesha ke liye.