Day: __________________ Name: _Aaysha

Ansari__
Date: __________________ Time Duration:
__________
Show Name: _PURANA SANDOOK__ Show Time: _06-07
pm_

Move On
Link 1
Hello! Namashkar! Good evening! Aap sun rhe hain Radio Udaan. Main hu RJ Aaysha,
lekar aayi hu ek naya show jiska naam hai Musaafir hu yaaro. Jii haan! Musafir hu yaaro,
darasal dekha jaae to aap main aur hm sb bhi musaafir hi to hai. Zindagi ki is dagar ka
safar hm sb krte hain, tamaam, do raaho, chouraaho, khatarnaak modo aur sankri
pagdandiyo se hm sbhi ko do chaar hona padta hai. Aur mere show me hum karenge baate
aise hi kuch raasto, safar aur manzilo ki aur bnenge humraah ek dusre ke.
Lekin, lekin, lekin… isse pehle ki hm baato ka silsila aage badhaaye,aapke haatho me hona
chahiye ek cup garma garm chaay, kyu ki chaai ke bina gapshap karne ka kya hi mzaa.
To ek kaam kijiye, voume full kar ke jaiye, apne liye chaai bnaiye aur me bhi lout’ti hu apni
chaai le kar.
Tab tak sunenge hum ek pyara sa gana, jise gaya hai Sunidhi Chouhan ne. aap mze lijiye
is gaane ke aur bne rhiye Radio Udaan pr, this is RJ Aaysha, I will be right back in next few
minutes.
SONG (Mere sang)
John Abraham aur Katrina Kaif pr filmaya ye pyara sa geet tha New York movie se, jisme
sangeet diya tha Pritam ne aur ise likha tha Sandeep aur Juniad ne.
Ab jab tak meri chaay me ek aakhiri ubaal aata hai, kyu na sun le ek aur pyara sa gana…
Agla gaana sunenge aap Shreya Ghoshal aur Shaan ki Aawaz me, gaane ke bol hain
Shaam ki gulaabi waadiyo me.
SONG (Shaam ki gulaabi vaadiyo me)

Link 2
Chase film ka ye gana likha hai Prashant Vasl ne aur sangeet diya hai Vijay aur Udbhav ne.
So, main haazir hu apni chaai ke sath, I hope aapne bhi chaai bna li hogi, to karte hain
safar ki shuruaat…
Jab jab hum apne safar se peechhe palat kar dekhte hain, to hme dher saari cheeze dikhai
deti hain. Hmare ateet se judi un anginat be-jaan, chhoti-chhoti cheezo se kai saari yaade
judi hoti hain. Kuch achhi, kuchh buri, kuchh khatti, kuch meethi, kuch aisi jinke bare me
soch kar hm khushi se jhoom uth’te hain aur kuch aisi bhi jinhe dekh kar bhi hum andekha
kar dete hain
Ye achhi-buri yaade zindagi ke kisi bhi hisse se judi ho sakti hain, hmara purana school
hua, koi purana dost, koi shahar jise chhod kar hum aage badh gye ho ya koi rishta jisse
hath chhuda kar hum zindagi ki race me lag gye ho. Dar’asal aksar dekha gya hai ki hum
khud kitna bhi dawa kar le ki humne purani baato ko bhula diya hai, move on kar liya hai,
par aise kisi sandook ko kholte hi hmara mann doud kar usi do-raahe par jaa kar khada ho
jata hai.
Bachpan me padosiyo ke ped se amrood chura kar khana, baba ke scooter pr beth kar
bazar ke chakkar lgana, bachpan ke dosto se ladaai karna, college ke dino me dosto ke
sath lambi rides par jana, lectures bunk karna, pehle crush ka deedaar karna, kisi se pehli
mulaakat par mila gulaab ka phool ho ya kisi ka aakhiri khat. Sab kuch bikhra rehta hai
ateet ke galiyaaro me aur hmari yaado me bhi.
Par kya kabhi aapne socha hai ki esi nishaaniyo ko hum us ateet ke panno se aur apni
zindagii se bahar kyu nahi kar dete. Bahut simple si baat hai, ki pair me chubha kaanta
nikaal kar fek dena hi behtar hai, par hum esa karte kyu nahi hain.
Sochiye thoda is bare me aur suniye ye agla gana. Is bare me aur bhi karenge baate.
Aap ab sunenge ek sundar nagma,Rajneeti film se. Bne rhiyega mere, yaani RJ Aaysha ke
sath, aap sun rhe hain Musaafir hu yaaro on Radio Udaan.
SONG (Bheegi si Bhaagi si)
Abhi abhi jo sundar nagma aapne suna, wo gaya hai Mohit Chouhan aur Antara Mishra ne,
compose kiya tha Pritam ne, aur ise alfaazo me piroya tha Irshaad Kaamil ne.
Prastut hai apke liye ek aur khubsoorat sa geet, jise sun kr aapki shaam sukoon se
saraabor ho jayegi.
Ye geet waise to Kishor Kumar sahab ne film Joshila ke liye 1973 me gaya tha, lekin hm
sunenge iska cover version Shashwat Singh ki aawaaz me.
Aaiye sunte hain ek behad hi khubsoorat geet.
SONG (Kiska rasta dekhe)

Link 3
Waise, wo OLD IS GOLD waali baat hai to bilkul thik, purane geeto ki baat hi kuch juda hai,
tbhi to puraane nagmo ke itne remake bne jaa rhe hain.
Khair! Swaagat hai aap sabka ek baar fir se, this is RJ Aaysha, aap sun rhe hain mujhe
Radio Udaan par on Musaafir hu Yaaro.
In geeto se thik pehle hum baat kar rhe the ateet ki. Aisa ateet jiski kai nishaaniya hm
hmesha sambhaal rakhte h, ye jaante hue bhi ki unka sath hme takleef de skta hai. Un
nishaniyo ko dekh kar aksar lagta hai ki sitaaro se bhare aasmaan ke neeche bhi hm
andhere me hain, lagta hai ki pariwaar or kai saare dosto ke hote hue bhi ek ajeeb sa
akelapan hmare aaspaas hai. Dar’asal hum insaan hmesha ek galti kar dete hain, badi
aasani se keh dete hai ki I’ve moved on, lekin is baat ki sachchaai dil par hath rakh kar
khud mehsoos karna. Hum zindagi me aage to badh jate hai lekin ateet ki ek dor ko hatho
me thaam rakhte hain.
Is baat ko smajhna bahut zaruri ki kisi dor ko apne haath me baandh kar rakhne se hum
bahut door tak nahi jaa sakte, kahi na kahi wo dor tang padegi or hme aur aage badhne se
rok degi.
Jaanti hu ki baate keh dena aur us par amal karne me bahut antar hai, lekin koshish karne
me koi buraai nahi.
Wese is ateet ke jaal se chhutne ke do tarike ho sakte hain, main btaungi aapko lekin use
pehle sunenge kuch pyare se gaane.
Prastut agla nagma aap sungenge Atif Aslam ki aawaz me Tubelight film se.
This is RJ Aaysha with Musaafir hu yaaro on Radio Udaan, will be right back in next few
minutes.
SONG (Main agar)
Atif Aslam ki aawaz me is geet ko alfaaz diye the Amitabh Bhattacharya ne aur sangeet
diya tha Pritam ne.
Ek aur nagma sunte hain hum, fir loutte hain apne safar pr, agla geet Arko ka, film Barilley
ki Barfi se.
SONG (Nazm Nazm)

Link 4
Hii…
Gaana sun liya? Ab suniye thodi kaam ki baat. Hm batiyaa rhe the ateet ke bare me aur
soch rhe the koi esa tareeka jisse hum ateet ke maya jaal se bahar aa ske. Wese ye ek
mazaak tha, maya jaal jesa kuch nahi, bs ek deewar hai, jo hm bna rakhte hain hmare
aaspaas, jo hme duniya ko better way me explore karne se rok rakhti hai. To is deewaar ko
todne ke do tareeke mujhe samajh aate hain,
Pehla ye ki kisi bhi cheez ya waqt ya haalaat ke do pehloo hmesha hote hain, agar koi
zakhm mila hai to uske marz ka tareeka bhi mila hoga, kuch peechhe chhuta hai to kisi nye
dour ne zindagi me dastak bhi di hogi. To jab bhi in nishaaniyo ka samna ho, to iske dono
pehlu’o ko soche, kyu ki har tough situation hme kuch naya zarur sikhati hai.
Mann aapka hai, soch aapki hai, aap control kriye aur situations ke positive side ko zyda
importance de.
Ek aur tarika hai, pr wo ek gana sunne ke baad btaungi. Bne rhiye Radio Udaan pr, aap
sun rhe hain Musaafir Hu Yaaro with RJ Aaysha, will be back after a beautiful song.
SONG (O saathi mere)
Jo geet aapne abhi abhi suna use aawaz di hai Sonu Nigam ne, Tanu Weds Manu Returns
se ye gaana tha, jise likha tha Raj Shekhar ne.
Ab agli aawaaz Prajakta Shukre ki, ek behad khubsurat gaane ka remake. Suniye ise, aur
lijiye mza is shaam ka.
SONG (puchho na yaar)

Link 5
Hanji! To ek tarika jaan liya hmne, ab aate hain dusre tarike pr. Zara peechhe palat kar kisi
ek nishaani ko dekho, aankhe band karo aur socho ki kya aap wapas isi dour me jaa kar
cheese sahi kar sakte ho? Kya ateet me jaa kar us kisse ko fir se dohra or likh sakte ho?
Wese ISRO abhi time machine bnai nahi hai, to aisa kuch karna to naa-mumkin hai. Ab jab
hm past me jaa kr corrections nahi bana sakte, kyu na ateet ki diary se ye panna faad kar
fek diya jaeye. Kyu ki pair me chubha kaanta jitna der tak chubha rahega, utna hi dard
dega, hmari chaal ko dheema karega aur dheere dheere shayad poora pair kharaab kar de,
ye bhi ho sakta hai ki pair kaatna pad jaye. To kyu na kaanta nikaal liya jaye. Abhi, isi waqt.
Sochiye zarur is bare me. Aur meri salaah hai ki abki baar jab move on karo, to sach me
aage badhna. Dor ko hath se fisal jaane do, zindagi thodi zyda achhi lagne lagegi, trust me.
Waqt ho gya hai ek gaane ka, Sonu Nigam aur Shreya Ghoshal ki aawaz me.
SONG (Piyu bole)
Is khubsoorat geet ki maalkin hai film Parineeta, jo sirf apne dour ki hi super hit film nahi
rahi, balki aaj bhi ek achha khasa fan base rakhti hai.
Khair isi ke sath meri chai bhi khatm hui, me bhaagti hu jaldi se. Aap sun rhe the Musaafir
hu yaaro, this is RJ Aaysha signing out.
Lekin jana kahi nhi hai aapko, musaafir hu yaaro ke aakhiri lekin bepanaah khubsooat
nagme ke sath me aapko chhod kar jaa rhi hu. aap sunte rhiye Radio Udaan.
SONG (hai apna dil)