Sakeco
Hadirinku yang mulia
Harapan kami mohon tenang
Tu ada hadir pang ninta
Ye lebe kurang sia menong
Ade tu karante mudi
Ye malum kena tu hilap bela beta’
Ku aran ko sia luk ka manang pendidikan
Pendidikan ta sia ee..
Ya sakuat sarea luk
Ado katokal sasopo niat
Bangun dunia akherat
Ahheee…Aeee…doa…akherat
Ye lamin balong pendidikan
No monda anung tu buya
Sarea luk ya tu dapat
Ka bekas tu dadi guru
Jasa guru nonda jangka
Didik kami tau ode
Satenris kami dewasa
Me tanang tu dadi maju
Lamin balong tekat kita
No monda tu pina pikir
Ado balong tu boat tu dapat
Bau maju we sarea luk
Saree…aee..sarea..luk
Ye peno mo nyata tu gita pang ta’
Ye SDN Pernek
Ya sakuat pendidikan
Terutama pang budaya
Ade ada pang samawa
Kaling seni lako adat
Me luk ya tu dadi maju
No monda de ketinggalan
Kaling ta langan sia ee
No muda ina bapak
Adu belo tu boat tu dapat
Belo tu ngaji tu tamat
Tu taa…aee.. de tu tamat..
Be ta ku racik sakeco
Lae nanta gantuna
Be ta ku kembang sakeco
No tu racik nonda maras
Tamba racik tamba maras
oo.. ina bapak balong
kamo racik
oo.. sarea adi kakak
Lae nanta gantuna
Ma lema balong ma lema
Tu laksana pendidikan
Bau maju sarea luk
Ba lamin maju sarea luk
No monda anung tu buya
Kaling tu basipat ujan
Mana leng gunter, nonda guntir
Asa ngata kami dunung
Lae nanta gantuna
No ku roa dadi kembo
Pa ya apan ku leng tau
No ku roa dadi jaran
Pa ya tungang ku leng tau
No ku roa dadi bodok
Ketok otak ku leng tau
No ku roa dadi tikis
Pa ya kakan ku leng bodok
No ku roa dadi bele
Ete lenong ku leng tau
Ba dadi rengit mo aku
Tarepa pang papar kaka’
Mana tampek ngesit
Ku ngesit si