TATA IBADAH MINGGU

MINGGU I DOB EPIPHANIAS, GKPS PEKANBARU

08 JANUARI 2023
TEMA : “ Harosuh ni Naibata Igoki Ibagas Jesus “
( Psalmen 29: 1-11 )

A. Panggilan Memasuki Ibadah - Ucapan Salam / Selamat Datang

Intro Musik ( Tonggo Pribadi )
Liturgi A

I. Prosesi Mandoding Haleluya 497: 1-2 “ Holong ni Jesus Manggomgom “

1. Holong ni Jesus manggomgom ganup Kuria, na patotapkon hasadaonta in.
DameiNi in ma manrahut paruhuranya idop uhurNi batar-batar ta in..2x
2. Riap ma hita sauhur martangkap tangan, ibagas damei na humbai Tuhan in.
Marpangarapan tongtong bai horja ni Tuhan, hataridahan ni hasintongan Nin..2x
B. Ibadah Berdiri )
1. Votum – Introitus – Tonggo ( Jongjong Kuria )
P : Riap ma hita jongjong!
Ibagas Goran ni Naibata Bapa pakon Tuhan Jesus Kristus ampa Tonduy Na Pansing,
Sitompa langit pakon tanoh on. Amen.
P : ( Agenda.... )
Jahowa do panondang pakon haluahon bangku, mintor bani ise ma mabiar ahu? Jahowa do
batar-batar ni goluhku, bani ise ma ahu gobir? Sada do hupindo humbani Jahowa, ai do na
hupindahi, ase boi ahu marianan i rumah ni Jahowa, sadokah manggoluh ahu, laho paidah-
idah hinajenges ni Jahowa, laho marsombah i rumah-Ni.
Haleluya, Haleluya, Haleluya
P : Martonggo ma hita! ( Agenda ).......

Ham Tuhan jesus Kristus Raja ni kuria in. Mangkatahon tarima kasih do hanami hu Bamu,
halani domma ipatalar janah ipajonam Ham hata-Mu i tongah-tongannami, gabe
marianan hanami ibagas haliharon. Dompakhon Ham ma bohi-Mu in hu bannami, ase
pansing janah lambin totap haporsayaonnami anjaha ondos hanami hu haluahon ampa
hagoluhan na sadokahni dokahni. Amen.
( hundul kuria)

2. Mandoding Haleluya 404:1-2 “ Ganup Ari do in “

1. Ganup ari do in, ronsi tahun hu taun, sihol do hu dodingkon Goran-Mu.
Ham Tuhan Naibata, sai hupuji do Ham, halani haganup layak-Mu.
Ham arta na harga, poltik hujolom in, humbani na hinan, Ham do tong Naibatangkin.
Bona ni na dear, ronsi sadokahnin, Panondang na lihar, bai ganup na golap in.
2. Hata-mu do Tuhan, hupindahi nuan, bahen suluh bai pardalanankin. Pitah Ham hansa in, na
mambotoh ijin, aha na huporluhon Tuhan.
Ham arta na harga, poltik hujolom in, humbani na hinan, Ham do tong Naibatangkin.
Bona ni na dear, ronsi sadokahnin, Panondang na lihar, bai ganup na golap in.

3. Titah
P : Tangihon hita ma Titah ni Naibata na Sapuluh in............ ( Agenda )
Riap ma hita mangindo...
K : Ham Tuhan Naibata, pargogohi Ham ma ahu, mangkorjahon titah-Mu ai. Amen.

4. Mandoding Haleluya109: 1-2+4 “ Batu Gingging Ham Tongon “

1. Batu gingging Ham tongon, huondoskon tonduy-hon. Burihan ni daroh-Mu, na roh humbai
lambung-Mu. Ai paluah au do in, humbai pardousaonkin.

2. Na nidok ni titah in, mahol mandalankon in. Halak na ringgas botul, pala tangis sol bujur.
 Na dong sasap dousa in, halani pitah sonin.

4. Ai sadokah au ijon, barang rotap hosahkon. Lao dohor pe ajalhin, bani paruhuman in.
Batu gingging Ham tongon, sai Bamu ma tonduyhon.

5. Hasasapan ni dousa :
P : Riap ma hita jong-jong!
Martonggo ma hita, sopotkon hita ma dousanta hubani Tuhan Naibata!
( Agenda )...........
Ham Tuhan Naibata Bapanami paridop ni uhur hubani jolma pardousa. Domma iberehon
Ham Anak-Mu Jesus Kristus gabe jolma anjaha manaron hahirion pakon hadoyukon, pala
matei tarsilang laho mangkopkop hanami anjaha mulak manggoluh, naik hu nagori atas
laho mngipiti hanami. Tapi gati lang iahapkon hanami banggal ni pangkopkop-Mu in
bannami, janah gati seng ihargahon hanami in bani goluhnami. Haganupan in, in ma
pangkorhon ni gijang ni uhur, hamoung janah hurang ni pangarusionnami. On pe na roh ma
hanami hu Bamu mansopotkon dousanami. Sai palumbang Ham ma uhur-Mu sasap Ham ma
dousanami. Pargogohi Ham ma hanami laho manangihon hata Mu, ase lambin ididah,
iahapkon janah iarusi hanami na dob ihopkop Ham do hanami. Ajari Ham ma hanami, ase
ibotoh hanami martarimakasih marhiteihon ni uhur, hata ampa pambahenannami. Jalo
Ham ma tonggo elek-eleknami on ibagas goran ni Anak-Mu Jesus Kristus, Sipaluah hanami.
Amen.
P : Tangar anjaha haporsayai hita ma Hata ni Naibata bagah-bagah pasal hasasapan ni dousa.
( Agenda ).............
Ibotoh nasiam do, laho mambuat dousanta do Ia ase roh: seng adong dousa ibagas Ia.
Ganup na marianan ibagas Ia seng mardousa.
P : Ibagas holong ni Naibata, domma isasap haganup dousanta. Halani ai, pataridahkon hita
ma tanda-tanda ni pargoluhon na bayu. Hasangapon ma bani Naibata i babou.
K : Amen.

6. Mandoding Haleluya 236: 1-2+4 “ Seng na Tarhatahon Haholongan ni “

1. Seng na tarhatahon haholongan ni, uhur ni Tuhanta bai pardousa in;
Pusok do uhur-Ni bani jolma in, na so ra unduk bani Hata-Ni in.

2. Sol pagoluhonNi ganup jolma in, sol pasonangonNi ‘ge parjahat in;
Asal itangihon haganupan in, Hata hagoluhan binoanNi in.

4. O ganup pardousa, sai tandai ma in. Bere bai Tuhanta uhurnima in.
In do pangindoan ni Tuhanta in. Ase sai tong sonang bahenonNi in.

7. Sibasaon/Epistel

P : Tangar hita ma Hata ni Naibata na tarsurat bani: Psalmen 29: 1-11.....Amen

Martuah do na manangar Hata ni Naibata anjaha na marimbagashonsi!
K : Amen.

8. Mandoding Haleluya 495: 1-2 “ Roh ma Ham Naloja Nangayotan “

1. Roh ma Ham na loja na ngayotan, na mamorsan silang in. Jalo ma Tonduy sipangurupi, ulih
sipasuang gogoh in.
Tonduy Napansing mambere gogoh,lao mangkorjahon Hatani Tuhanta in.
Ulang magang ulang sangsi, jolom ma poltik ulihta in.

2. Roh ma ham na loja na ngayotan, binahen ni dousa in. Jalo ma Ambilan na madear, ulih
sipamalas uhurhin.
In ma Hatani Tuhanta Jesus Kristus, mambere buah in ma goluh na lihar.
Ulang magang ulang sangsi, jolom ma poltik ulihta in.
9. Hata Haporsayaon
P : Riap ma hita jongjong!
Saksihon hita ma haporsyaonta in, songon na sinaksihon ni haganup halak na porsaya
bani sab tanoh on!

P+K : Ahu porsaya bani Naibata Bapa, Pargogoh na so tarimbang, na manompa langit pakon
tanoh on. Ahu porsaya................

10. Mandoding Haleluya 349: 1-2 “ Goran Jesus sai Marsora “

1. Goran Jesus sai marsora, bai ganup dunia on. Goran Jesus pasonangkon, ganup na marhoru in.
Goran in marpasu-pasu, bai ganup pardousa in. Haganupan do idilo, bani gomgomanNi in.
Goran Jesus sijengesan, lao paborsih uhurhin. Martarimakasih ahu, ibaen na i tobus au.

2. Goran Jesus marsinondang bani laut ‘ge tanoh in. Marmalas ni uhur hita pasangapkon
GoranNiin.
Magou ma pusok ni uhur, halani GoranNi in. Anggo porsaya bai Jesus talu do na jahat in.

11. Tingting/ Warta Jemaat JEMAAT ( Tonggo salpu tingting- pitah manonggohon isini tingting
)
12. Galangan Hulobei
P : Sadarion manggalang hulobei do hita aima untuk Panggalangon sa-GKPS untuk kegiatan J-
120
P : Sonari taruhkon hita ma galanganta!
13. Mandoding 424: 1-2 “ Tuhanta do Namarmahani “
1. Tuhanta do na marmahani hita, marhorja age marsaran pe hita ibagas tahun on.
Ai Ia do na margogoh tongon, mambere na porlu banta.
Marhorja, marhorja ma hita, martonggon ulang homa lupa.
Marhorja ibagas hasintonganni, seng soya gogohmu.

2. Aha ma sibahenonku sonari, halani na iparmudu goluhku, ondos bai tingki on.
Pangabak, parsahap na salpu in seng dong na tarpangajmkon.
Tuhanku, Tuhanku, Rajangku, holong ma ateiMu hubangku.
Ulang ma mintor manringis Ham bangku, sai anju Ham ma au
14. AMBILAN : Psalmen 29: 1-11

15. Galangan Kantong

P : Paima iondoskon hita galanganta, tangar hita ma lobei hata ni Naibata na gabe onjolan banta
laho manggalang, ai ma na tarsurat bani : Heber 13: 16
“Mambahen na madear ampa na marsibere-bere, ulang ma halupahon nasiam ai, ai
galangan na sonai do iharosuhkon Naibata “.
Sonari ondoskon hita ma galanganta marhitei galangan kantong!

16. TONGGO GALANGAN-PANUTUP–PASU- PASU

P : Riap ma hita jongjong!
Martonggo ma hita mangondoskon galangan hubani Naibata!( Agenda .....)
Ham Tuhan Naibata Bapanami, harohan ni haganup. Hun Bamu do harohan ni pasu-pasu
hu bannami. Ibere Ham do bannami goluh ampa hagoluhan ari-ari. Ham Tuhan, ijon
iondoshon hanami do hu Bamu goluh pakon pasu-pasu na dob binere-Mu in bannami. Sai
lambin margogoh ma tongon hanami ihasomani idop ni uhur-Mu ampa pasu-pasu-Mu bani
na mandalankon horjanami. Papansing Ham ma galangan na ginalangkonnami on gabe
galangan na misbou i lobei-lobei-Mu,ase lambin ihargahon hanami tongon dear ni layak
pakon pasu-pasu-Mu in marhitei na pasaudhon harosuh-Mu humbani gogoh, pingkiran
ampa sinadongannami. Tarima kasih ma Bamu Tuhan. Marhitei Kristus Jesus Tuhannami,
jalo Ham ma galangan pakon tonggonami on Amen.
P+K : Mandoding Haleluya 383:1 “Marhitei diatei tupa, roh do au Tuhan”
Marhitei diatei tupa, roh do au Tuhan. Mamboban buah ni horja na binere-Mu.
Jesus Jesus jalo Ham ma au. Bai hurang ni panurdukhu anju Ham ma au.

P : Tonggo Panutup( Agenda )

Ham Tuhan Naibata, Bapanami pargogoh na so tarimbang, harohan ni pasu-pasu. Puji-
pujian pakon tarimakasih ma isombahkon hanami hu Bamu, halani ipatalar Ham do
holong-Mu na banggal in marhitei Jesus Kristus Anak-Mu in. Tonduy Na Pansing ma
paliharhon uhurnami, ase torang ididah hanami sinondang na hun Bamu. Hasomani
janah pargogohi Ham ma hanami haganup pagori ni kuria-Mu, ase ibagas haringgason
pakon malas ni uhur mangkagoluhkon janah mangambilankon hata-Mu. Maidop ma uhur-
Mu, balosi Ham ma tonggonami, marhitei Anak-Mu Jesus Kristus, Tuhannami. Amen.

P : Ham Bapanami na inagori atas........

K : (Mandodingkon) Ai Ham do simada Harajaon pakon Hagogohon ampa Hasangapon,
sadokah ni dokah ni...Amen
Paingkatkon/Pengutusan ..................
“Laho ma hanima, podahi hanima ma sagala bangsa, ase gabe susian-Ku sidea, anjaha didi
hanima ma sidea hubagas goran ni Bapa, Anak ampa Tonduy Na Pansing. Ajari hanima ma sidea
mangkorjahon sagala na dob Hutitahkon bennima. Tonggor ma, sai hasoman-Ku do hanima ganup
ari, ronsi roh ujung ni dunia on” ( Mateus 28: 19-20 )

P : Jalo Ham ma pasu-pasu humbani Naibata .............................

Ipasu-pasu anjaha iparorot Tuhan Naibata ma ham/hita. Isondangkon Tuhan Naibata ma
bohi-Ni hu bamu/hu banta. Janah maidop ma uhur-Ni mangidah ham/hita. Idompakkon
Tuhan Naibata ma bohi-Ni hu bamu/hubanta. Janah ipasorap ma damei-ni bani
tonduymu/tonduy ta bei. Amen.
P+K : ( Mandodingkon ) Amen....Amen.....Amen.