EST-CE QUI ACCEPTÉ L’ISLAAM C’EST PE CHOISIR POUR VIVRE DANS NOIR ?
Dernièrement fine ena ene post lor Facebook par lequel certains pe faire croire qui quand ene
personne pe accepté l’Islaam, en réalité, li pe choisir pour vivre dans noir.
Voici post la :
Comme réponse, nous dire :
Nous, les musulmans, nous invite vers l’Islaam, pas avec le but pour coquin quitechose avec bans
dimounes, mais nous invite bans dimounes vers l’Islaam, pour sauve bans dimounes depuis
l’obscurité « l’adoration de bans objets fabriqués par l’homme » pour amène banla vers « l’adoration
du Créateur unique qui fine créé l’homme ».
Quand nous invite bans dimounes vers l’Islaam, jamais nous souhaite qui ene personne délaisse
cequi pour li, pour qui li accepté cequi pour nous, mais nous souhaite qui li délaisse cequi li fine
hérité depuis so grands-parents pour qui li accepté cequi fine enseigné par so Créateur.
Dans l’Islaam, ene madame li pas fine être ordonnée pour habille en noir, mais li gagne droit habille
en n’importe qui couleur et li gagne droit mettre bans jolis l’habillements. Mais quand li pe sorti en
public, c’est à ce moment-là qui li fine être ordonnée pour couvert-li respectueusement, avec ene
grand robe qui so couleur pas attirant, sans qui li obligatoirement couleur noir.
Quand l’Islaam fine ordonne ene madame pour couvert-li avec ene grande robe, l’idée derrière sa
c’est pas pour traite li avec ene mépris, mais sagesse derrière sa c’est préserve li contre regards de
bans pervers, pareille couma nous préserve ene diamant dans so boite et pareille couma nous
préserve ene mangé qui fine feque cuit en comparaison avec cequi fine gâté.
En vérité, concernant l’habillement d’ene madame en public, la question c’est pas exactement lor so
couleur, mais li plutôt lor le respect qui li contenir. Basant lor là, nous trouve qui cequi l’Islaam fine
enseigné, li vraiment meilleur, au lieu qui ene madame habille indécemment et li expose so le rein à
tous bans zommes qui tire plaisir pour admire sa.