SANTO ROSARIO EN LATIN Edith Hernandez
PER SIGNUM CRUCIS
Per signum Sanctae Crucis✞de inimícis nostris✞líbera nos, Deus noster ✞
In nómine Patris, et Fílii, et Spíritus Sancti. Amen.
CREDO APOSTOLÓRUM
Credo in Deum, Patrem
omnipoténtem, Creatórem cœli et terræ.
Et in Jesum Christum, Fílium ejus únicum, Dóminum nostrum, qui
concéptus est de Spíritu Sancto,
natus ex María Vírgine, passus sub
Póntio Piláto; crucifíxus, mórtuus, et sepúltus:
Descéndit ad Inféros; tértia die
resurréxit a mórtuis: ascéndit ad
cœlos, sedet ad déxteram
Dei Patris omnipoténtis;
inde ventúrus est
judicáre vivos et mórtuos.
Credo in Spíritum Sanctum,
Sanctam Ecclésiam Cathólicam,
Sanctórum Communiónem,
remissiónem peccatórum,
carnis resurrectiónem, vitam ætérnam.
Amen.
PATER NOSTER
Pater noster, qui es in caelis. Sanctificétur Nomen tuum. Advéniat regnum tuum.
Fiat volúntas tua, sicut in caelo et in terra.
Panem nostrum quotidiánum da nobis hódie, et dimítte nobis débita nostra, sicut et
nos dimíttimus debitóribus nostris. Et ne nos indúcas in tentatiónem. Sed líbera
nos a malo. Amen.
AVE MARIA
Ave María, grátia plena; Dóminus tecum; benedícta Tu in muliéribus, et benedíctus
fructus ventris tui, Jesus.
Sancta María, Mater Dei, ora pro nobis, peccatóribus, nunc et in hora mortis
nostrae. Amen.
GLÓRIA PATRI
Glória Patri, et Fílio, et Spirítui Sancto.
Sicut erat in princípio, et nunc, et semper, et in saécula saeculórum. Amen.
ORÁTIO FÁTIMAE
O, mi Jesu! Dimítte nobis; líbera nos ab ígne Inférni. Alléva Ánimas Purgatórii,
præsértim illas quæ maxíme relíctæ sunt. Amen.
SALVE REGINA
Salve, Regína, Mater
misericórdiae, vita, dulcédo et
spes nostra, salve.
Ad Te clamámus, éxsules,
fílii Evae. Ad Te suspirámus, geméntes
et flentes, in hac lacrimárum
valle.
Eia ergo, Advocáta Nostra,
illos tuos misericórdes Óculos ad nos convérte.
Et Jesum, Benedíctum fructum ventris
tui, nobis, post hoc exsílium osténde.
O clemens! O pia! O dulcis Virgo María!
V. Ora pro nobis, Sancta Dei Génitrix.
R. Ut digni efficiámur promissiónibus Christi. Amen.
In nomine Patris, et Filii, et Spiritus Sancti. Amen
15 mayo 2024